Kvikmynd
Kvikmynd er röð mynda sem birtar eru með stuttu millibili svo að áhorfandanum virðist sem þær hreyfist, þ.e.a.s. persónur og hlutir á myndinni hreyfast til. Til þess að búa til kvikmyndir eru oftast notaðar myndavélar sem taka margar myndir í tímaröð inn á filmu eða á stafrænu formi. Hljóð er einnig tekið upp samtímis og er síðan spilað í takt við kvikmyndina svo áhorfandinn upplifir hljóðið í samhengi við myndirnar. Kvikmyndir eru einnig teiknaðar eða gerðar í þrívídd, þá er notaður tölvubúnaður og öðruvísi myndavélar og hljóðið er tekið upp í hljóðveri.
Fyrstu kvikmyndirnar
[breyta | breyta frumkóða] |
Heimildir skortir fyrir staðhæfingum í þessari grein. Ef þú vilt bæta við heimild vinsamlegast bættu þeim við undir nýrri fyrirsögn („Heimildir“) eða skildu eftir athugasemd á spjallsíðunni. |
Fyrsta alvöru kvikmyndin kom út árið 1888, og fékk nafnið "Roundhay Garden Scene." Myndin eru þrjár sekúndur og sýnir fólk, klætt í spariföt, dansandi um í garði. Leikstjóri myndarinnar var hinn franski Louis Le Prince. Alls komu fjórar myndir út það ár, þrjár af þeim leiksstýrðar af Le Prince. Þær voru Roundhay Garden Scene, Accordion Player og Traffic Crossing Leeds Bridge. Sú fjórða var Horse and Rider Jumping Over an Obstacle, leiksstýrð af hinum þýska Ottomar Anschütz. Myndin A Trip To The Moon, sem franski sjónhverfingamaðurinn Georges Meliés gaf út árið 1902, er talinn vera fyrsta myndin með alvörunni handriti. Myndin sjálf er án hljóðs, en ákveðnir hlutir líkjast nútíma kvikmyndahandriti. Árið 1927 kom fyrsta myndin með hljóði út. Hún fékk nafnið "The Jazz Singer" og var leikstýrð af ameríska leikaranum Alan Crosland
