Ardennafjöll
| Ardennafjöll | |
|---|---|
 | |
| Fjallgarður | Rhenish Massif |
| Land | Belgía, Lúxemborg, Frakkland |
| Sveitarfélag | Vallónía, Ardennes |
 | |
| Hnit | 50°15′N 5°40′A / 50.25°N 5.67°A |
| breyta upplýsingum | |
Ardennafjöll (franska: L'Ardenne, hollenska: Ardennen, vallónska: L'Årdene, lúxemborgíska: Ardennen) eru fjallgarður og skóglendi á meginlandi Evrópu á vatnasviði ánna Moselle og Meuse. Fjallgarðurinn myndaðist fyrir 387,7—382,7 milljón árum á devontímabilinu. Hæsti toppur þeirra er 694 metrar að hæð.
Ardennafjöllin eru að stórum hluta í Belgíu og Lúxemborg en þau ná einnig til Þýskalands og Frakklands. Stærsti hluti fjallgarðsins er í Vallóníu, suðurhluta Belgíu. Austurhluta fjallgarðsins skipar um þriðjungur landsvæðis Lúxemborgar. Svæðið er vaxið þéttum skógi sem leiddi til mikillar uppbyggingar í viðarkolaiðnaði á 18. og 19. öld. Ardennafjöllin voru eitt helsta iðnaðarsvæði í heimi á þessum tíma á eftir Bretlandi.
Á seinni heimsstyrjöldinni var svæðið talið ófært bifreiðum og skriðdrekum og því var lítið um hervarnir þar. Þjóðverjar nýttu sér varnarleysið til að gera innrás í norðurhluta Frakklands og suðurhluta Belgíu í tvígang: fyrst við orrustuna um Frakkland og svo við Ardennasóknina.
