Anna-Lind Pétursdóttir

Anna-Lind Pétursdóttir
Fædd	Akureyri
Störf	Prófessor í sálfræði, sérkennslu og atferlisgreiningu við Háskóla Íslands

Anna-Lind Pétursdóttir er prófessor í sálfræði, sérkennslu og atferlisgreiningu við Menntavísindasvið Háskóla Íslands.

Ferill

Anna-Lind lauk stúdentsprófi frá Menntaskólanum á Akureyri árið 1991, B.A.-gráðu í sálfræði frá Háskóla Íslands 1996, cand.psych.-gráðu í sálfræði 2001 og Dr.phil-gráðu í námssálfræði og sérkennslufræðum frá College of Education and Human Development við Minnesotaháskóla 2006. Hún hlaut styrki úr sjóðum Val Bjornson og Fulbright (2003) til doktorsnámsins í Bandaríkjunum.

Anna-Lind starfaði sem atferlisþjálfi og síðar ráðgjafi í heildstæðri atferlisþjálfun fyrir börn með einhverfu 1995 til 1997 og vann að rannsókn og síðar ráðgjöf til að draga úr hegðunarerfiðleikum nemenda í grunnskólum á vegum Fræðslumiðstöðvar Reykjavíkur 1998 til 1999. Hún var sálfræðingur hjá Leikskólum Reykjavíkur 2001 til 2003, stýrði átaksverkefni um bætt samskipti og hegðun í leik- og grunnskólum Reykjavíkurborgar 2006 til 2008, og vann samhliða sem stundakennari við Háskóla Íslands frá 2001 þar til hún hóf störf sem lektor í sálfræði, sérkennslu og atferlisgreiningu við Menntavísindasvið 2008. Hún varð dósent árið 2010 og prófessor 2018. Árin 2017 og 2018 starfaði hún einnig sem yfirsálfræðingur á Menntasviði Kópavogsbæjar samhliða hlutastarfi við HÍ.

Anna-Lind hefur gegnt ýmsum trúnaðarstörfum innan og utan Háskóla Íslands, m.a. í fagráði náms- og gæðamats Menntamálastofnunar, í vettvangsráði, námsnefnd og fagráði á Menntavísindasviði HÍ og sem fulltrúi í stjórn náms í hagnýtri atferlisgreiningu við HÍ, Rannsóknarsjóðs HÍ, Félagi sérkennara á Íslandi og Einhverfusamtökunum.

Rannsóknir

Helstu áherslur Önnu-Lindar í kennslu og rannsóknum eru sannreyndar aðferðir til að mæta sérþörfum barna og þjálfun starfsfólks skóla í beitingu þeirra. Þar má nefna sem dæmi rannsókn á áhrifum þjálfunar leikskólastarfsfólks í nýrri kennslutækni á framfarir barna með þroskaseinkun, mat og útfærsla á samvinnunámsaðferðum til að auka félagsleg samskipti nemanda með einhverfu við bekkjarfélaga sína, mat á námsframvindu nemenda í áhættu fyrir lestrarerfiðleika og einstaklingsmiðuð inngrip til að auka námshraða í lestri, og mat á áhrifum stuðningsáætlana byggðum á virknimati á langvarandi hegðunarvanda nemenda í grunn- leik- og framhaldsskólum. Einnig hafa rannsóknir hennar beinst að lestrarkennslu almennt, eins og reynslu leikskólakennara af samvinnunámsaðferðum og áhrifum þeirra á byrjandi lestrarfærni leikskólabarna. Hún, ásamt dr. Kristen McMaster fengu verkefnisstyrk úr Rannís til að meta framkvæmd félagakennslu og áhrif hennar á lestrarfærni nemenda í 1. og 2. bekk.

Anna-Lind hefur á starfsferli sínum skrifað fjölda fræðigreina í innlend og erlend tímarit auk þess sem hún hefur haldið marga fyrirlestra bæði innanlands og erlendis. Hún hefur einnig haldið námskeið fyrir foreldra og fagfólk skóla um leiðir til að bæta hegðun og líðan barna, bæði á vegum Endurmenntunar HÍ og við skóla um allt land.

Fjölskylduhagir

Anna-Lind fæddist á Akureyri og ólst upp þar og í Þýskalandi. Foreldrar Önnu-Lindar eru Gisela Rabe-Stephan (f. 1943), framhaldsskólakennari og Pétur Bjarnason (1939–1976), hafnarstjóri á Akureyri. Eiginmaður Önnu-Lindar er Skúli Helgason, stjórnmálafræðingur. Þau eiga fimm börn.

Helstu ritverk

Greinar

• Petursdottir, AL., Gudmundsdottir, T. Supporting Social Play Skill Acquisition and Generalization of Children with Autism Through Video Modeling. J Autism Dev Disord (2021). https://doi.org/10.1007/s10803-021-05204-4
• Pétursdóttir, A. L. & Ragnarsdottir, G. B. (2019). Decreasing student behavior problems and fostering academic engagement through function-based support and fading of token reinforcement. Behavioral Interventions, 34(3), 323-337.
• Pétursdóttir, A. L. (2017). Distance training in function-based interventions to decrease student problem behavior: Summary of 74 cases from a university course. Psychology in the Schools, 54(3), 213-227.
• Anna-Lind Pétursdóttir & Kristín Svanhildur Ólafsdóttir. (2016). Samvinna um læsi í leikskóla: Áhrif K-PALS á hljóðkerfisvitund, hljóðaþekkingu, hljóðafimi og umskráningarfærni leikskólabarna Geymt 29 ágúst 2019 í Wayback Machine. Netla - Veftímarit um uppeldi og menntun. Menntavísindasvið, Háskóli Íslands.
• Anna-Lind Pétursdóttir. (2016). K-PALS-félagakennsla: Dæmi um útfærslur til að styðja við lestrarnám og félagsleg samskipti nemenda með sérþarfir. Glæður, 25, 14-22.
• Anna-Lind Pétursdóttir & Kristín Helga Guðjónsdóttir. (2015). Pör að læra saman í leikskóla: Reynsla starfsfólks af K-PALS Geymt 29 ágúst 2019 í Wayback Machine. Netla - Veftímarit um uppeldi og menntun. Menntavísindasvið, Háskóli Íslands.
• Anna-Lind Pétursdóttir, Lucinda Árnadóttir & Snæfríður Björgvinsdottir. (2012). Úr sérúrræði í almennu kennslustofuna: Áhrif stuðningsáætlunar með stighækkandi viðmiðum um frammistöðu Geymt 23 nóvember 2018 í Wayback Machine. Netla - Veftímarit um uppeldi og menntun. Menntavísindasvið, Háskóli Íslands.
• Anna-Lind Pétursdóttir. (2011). Með skilning að leiðarljósi: Dregið úr langvarandi hegðunarerfiðleikum með virknimati og stuðningsáætlunum. Uppeldi og menntun, 20(2), 121-143.
• Petursdottir, A.-L., McMaster, K., McComas, J., Bradfield, T., Braganza, V., Koch-McDonald, J., Rodriguez, R. & Scharf, H. (2009). Brief experimental analysis of early reading interventions. Journal of School Psychology, 47, 215-243.
• McMaster, K., Du, X. & Petursdottir, A.-L. (2009). Technical Features of Curriculum-Based Measures for Beginning Writers. Journal of Learning Disabilities, 42 (1), 41-60.
• Petursdottir, A.-L., McComas, J., McMaster, K., & Horner, K. (2007). Assessing the Effects of Scripted Peer Tutoring and Programming Common Stimuli on Social Interactions of a Young Student with Autism Spectrum Disorder. Journal of Applied Behavior Analysis, 40, 353-357.
• Petursdottir, A.-L. & Sigurdardottir, Zuilma G. (2006). Increasing the Skills of Children with Developmental Disabilities through Staff Training in Behavioral Teaching Techniques. Education and Training in Developmental Disabilities, 41 (3), 264-279.

Bókarkaflar

Rúnar Sigþórsson, Anna-Lind Pétursdóttir og Þóra Björk Jónsdóttir (2014). Nám, þátttaka og samskipti nemenda. In Gerður G. Óskarsdóttir (Ed.), Starfshættir í grunnskólum við upphaf 21.aldar Geymt 29 ágúst 2019 í Wayback Machine (pp. 161-196). Reykjavík: Háskólaútgáfan.