Almanak Ólafs S. Thorgeirssonar
Almanak Ólafs S. Thorgeirssonar var almanak á íslensku sem kom út árlega í Winnipeg í Kanada frá 1894 til 1954. Upphaflegur útgefandi var prentarinn Ólafur S. Thorgeirsson sem hafði flutt rúmlega tvítugur til Vesturheims frá Akureyri árið 1887. Í fyrstu var almanakið prentað í prentsmiðju Lögbergs. Eftir lát Ólafs 1936 hélt Thorgeirsson Company áfram útgáfu þess. Almanakið innihélt dagatal, æviþætti, smásögur og yfirlit helstu atburða líðandi árs, þar á meðal fréttir af andláti Vestur-Íslendinga.
