Alessandro Costacurta
 |
Þessi grein þarfnast hreingerningar svo hún hæfi betur sem grein hér á Wikipediu. Mögulega er vandamálið við síðuna skráð á Wikipedia:Stílviðmið og þar að auki: heimildir. |
Alessandro Costacurta er ítalskur fyrrum knattspyrnumaður sem spilaði sem varnarmaður, lengst af með AC Milan fæddist þann 24. apríl 1966 í Orago á Italiu. Fyrsta leik sinn spilaði hann 24. ágúst 1986 gegn Sambenedettese í ítölsku bikarkeppninni. Sama ár var hann lánaður til Monza sem lék í C1 deildinni þar sem hann lék 30 deildarleiki. Fyrsta deildarleik sinn fyrir AC Milan spilaði Costacurta síðan árið 1987 gegn Verona á útivelli.
Ítölsku deildina vann hann í fyrsta skipti árið 1988 eftir baráttu við Napoli þar sem Diego Maradona var liðsmaður. 1989 og 1990 unnu Milan Evrópukeppni meistaraliða (síðar meistaradeildina). Á þessum árum (1988 - 1994) var Milan með sitt besta lið í sögunni en með Costacurta í liðinu voru þá ekki liðsmenn eins og Paolo Maldini, Carlo Ancelotti, Frank Riikard, Franco Baresi, Ruud Gullit, Marco van Basten. Árin 1992 – 1994 vann Milan ítölsku deildina öll árin og setti m.a. met þar sem þeir léku 58 leiki í röð án taps sem ekki enn hefur verið slegið og er ólíklegt að nokkurt lið í Evrópuboltanum leiki það eftir í nánustu framtíð.
1994 vann Milan yfirburðasigur í úrslitaleik meistaradeildarinnar gegn FC Barcelona. Fyrir leikinn var talað um að Barcelona mundi vinna öruggan sigur þar sem sóknin, sem átti að vera Barcelona, mundi pakka vörninni (Milan) saman en annað átti að koma í ljós. Milan vann í þessum leik einn eftirminnilegasta sigur í sögu meistaradeildarinnar 4:0.
Costacurta missti árið 1994 af bæði úrslitaleiknum gegn Barcelona og sömuleiðis úrslitaleik heimsmeistarakeppninnar þegar Ítalir töpuðu í vítaspyrnukeppni gegn Brasilíu.
Leikir Costacurta með Milan í deild urðu 440 og rúmlega 190 í öðrum mótum. Með landsliðinu lék hann 59 leiki og skoraði 2 mörk. Hann lék í HM 1994 og 1998 og einnig EM 1996.
Titlar sem lið Costacurta hafa hlotið
[breyta | breyta frumkóða]- 7 sinnum Ítalíumeistarar
- 4 sinnum Evrópumeistarar meistaraliða/meistaradeildarinnar
- 4 sinnum heimsmeistarar félagsliða
- 4 sinnum meistarar meistaranna í Evrópu
- 1 sinni ítalskur bikarmeistari
- 8 sinnum meistarar meistaranna á Ítalíu.