Þyri Danabót

Úr Wikipediu, frjálsa alfræðiritinu
Jump to navigation Jump to search
Báðir Jalangurssteinarnir.
Teikning sem sýnir Þyri Danabót leggja grunn að Danavirki. Fornleifarannsóknir á Danavirki hafa þó sýnt að það stenst ekki, byrjað var á Danavirki mörgum öldum fyrir valdatíð Þyri drottningar.

Þyri Danabót var dönsk drottning. Hún er talið hafa verið drottning í kringum 935 til 950. Hún var gift Gormi hinum gamla. Sonur hennar var Haraldur blátönn. Nafn hennar kemur fyrir í texta sem er ristur með rúnaletri á tvo steina sem kallast Jalangurssteinarnir. Þessir steinar hafa verið nefndir skírnarvottorð Danmerkur vegna þess að þar kemur í fyrsta skipti fyrir nafn Danmerkur í texta sem er ritaður í Danmörku og á norrænu máli. Minni steinninn er minnisvarði sem Gormur konungur reisti fyrir konu sína Þyri og stærri Jalangurssteinninn er steinn sem Haraldur blátönn reisti til minningar um foreldra sína.