Þóra Pétursdóttir
Þóra Pétursdóttir (f. 3. október 1847, d. 22. mars 1917) var íslensk myndlistakona. Þóra var dóttir Péturs Péturssonar biskups Íslands og eins auðugasta manns landsins og seinni konu hans Sigríðar Bogadóttur leikskálds.
Þóra giftist Þorvaldi Thoroddsen, náttúrufræðingi árið 1887 og þau eignuðust eina dóttur ári seinna sem dó aðeins fjórtán ára gömul. Þóra Pétursdóttir var ein af fyrstu íslensku konunum sem fengust við myndlist.[1] Þóra var einnig mikil áhugamanneskja um íslenskar hannyrðir og vann að bók um þær. Hún fékk greinar birtar víða, meðal annars í Kvennablaðinu sem ritstýrt var af Bríeti Bjarnhéðinsdóttur.
Ævisaga Þóru, Þóra biskups og raunir íslenskrar embættismannastéttar eftir Sigrúnu Pálsdóttur, sagnfræðing, kom út 2010. Bókin er meðal annars byggð á dagbókum og bréfa- og skjalasöfnum Þóru. Bókin fékk mjög góða dóma og var tilnefnd til íslensku bókmenntaverðlaunanna.[2]
Tilvísanir
[breyta | breyta frumkóða]- ↑ Hrafnhildur Schram: Huldukonur í íslenskri myndlist, Rvík 2005.
- ↑ „Þóra biskups og raunir íslenskrar ...“. Afrit af upprunalegu geymt þann 29. mars 2015. Sótt 1. ágúst 2011.
Tenglar
[breyta | breyta frumkóða]- Þóra biskups og raunir íslenskrar ... Geymt 29 mars 2015 í Wayback Machine
- Þóra biskups og „nýja ævisagan“ Geymt 29 mars 2015 í Wayback Machine
- Þóra biskups hrífur fólk með sér[óvirkur tengill]
- Gloppótt mynd af merkri konu[óvirkur tengill]
- Þóra biskups og raunir íslenskrar embættismannastéttar, gagnrýni á vefritinu Stjórnmál og stjórnsýsla