Ártúnshöfði
Ártúnshöfði er höfði og iðnaðarhverfi í austanverðri Reykjavík, milli Elliðaárvogs og Grafarvogs. Hverfið er hluti Grafarvogshverfis. Svæðið tilheyrði áður bæjunum Ártúni og Árbæ og þar var beitarland og mótekja í mýrum. Í síðari heimsstyrjöld reisti breski herinn þar herskálabyggð og fjarskiptastöð og kom þar fyrir loftvarnabyssum.[1] Eftir stríð hófst þar iðnaður, fyrst í tengslum við malar- og grjótnám Reykjavíkur, og svo með uppsetningu sorpeyðingarstöðvar 1958.[2]: 12 Malbikunarstöð Reykjavíkur hóf þar starfsemi árið 1963 og önnur fyrirtæki í svipuðum geira voru staðsett nálægt malarnámunni. Ofar á höfðanum voru bifreiðaverkstæði og vörubílastöðvar áberandi. Meginuppbygging svæðisins var á 9. áratug 20. aldar.[2]: 24 Á sama tíma byggðist íbúðahverfið Ártúnsholt upp sunnan við Vesturlandsveg. Eftir 2015 var tekið að ræða uppbyggingu íbúðahverfis á Ártúnshöfða í tengslum við fyrsta áfanga Borgarlínu. Árið 2025 hófust framkvæmdir við fyrstu íbúðirnar samkvæmt nýju deiliskipulagi.[3]
Elliðaár renna vestan Ártúnshöfða í Elliðaárdal, austan Bústaða sem stóðu á Bústaðaholti
Tilvísanir
[breyta | breyta frumkóða]- ↑ „Ártúnshöfði fyrrum“. Ferlir. Sótt 17.1.2026.
- 1 2 Alma Sigurðardóttir og Drífa Kristín Þrastardóttir (2021). Ártúnshöfði svæði 1-4: Húsakönnun (PDF) (Report). Borgarsögusafn Reykjavíkur.
- ↑ „Fyrsta skóflustunga tekin að 133 íbúðum á Ártúnshöfða“. Reykjavík. 28. apríl 2025.
Þessi landafræðigrein sem tengist Reykjavík er stubbur. Þú getur hjálpað til með því að bæta við greinina.