Reykjavíkurflugvöllur

Úr Wikipediu, frjálsa alfræðiritinu
Stökkva á: flakk, leita

Hnit: 64°07′48″N 021°56′26″V / 64.13000°N 21.94056°V / 64.13000; -21.94056

Reykjavíkurflugvöllur
IATA: RKVICAO: BIRK
Yfirlit
Gerð flugvallar Almennur
Eigandi Íslenska ríkið
Rekstraraðili Flugstoðir
Þjónar Reykjavík
Staðsetning Vatnsmýri í Reykjavík
Hæð yfir sjávarmáli 14 m / 45 fet
Hnit 64°07′48″N 021°56′26″V / 64.13000°N 21.94056°V / 64.13000; -21.94056
Heimasíða flugstodir.is
Flugbrautir
Stefna Lengd Yfirborð
m fet
01/19 1,567 5.141 Malbik
06/24 960 3.150 Malbik
13/31 1.230 4.035 Malbik
Tölfræði (2008)
Farþegar 463.889
Flughreyfingar 65.387
Vöru- og póstflutningar 1.307 tonn
Heimildir: Flughandbók (AIP) - Ísland[1]

Tölfræði: Flugstoðir Flugtölur 2008[2]

Reykjavíkurflugvöllur (IATA: RKVICAO: BIRK) er flugvöllur í Vatnsmýri í Reykjavík. Flugrekstur hófst þar árið 1919 við mjög frumstæðar aðstæður. Bretar gerðu svo varanlegan flugvöll þar í síðari heimsstyrjöld sem Íslendingar fengu full yfirráð yfir í stríðslok. Innanlandsflug hefur síðan þá haft miðstöð sína á vellinum og einnig gerðu Loftleiðir út þaðan til 1962 en þá var farið að nota Keflavíkurflugvöll fyrir millilandaflug.

Árið 2008 fóru 426.971 flugfarþegar um völlinn í innanlandsflugi og 36.918 í millilandaflugi (Grænland og Færeyjar).[2]

Deila um staðsetningu[breyta]

Lengi hafa staðið nokkrar deilur um flugvöllinn og staðsetningu hans. Andstæðingar hans benda á mikla nálægð við byggð og víðáttumikið byggingarlandið sem fer undir völlinn. Fylgismenn vallarins segja hann vera stóran vinnustað og nauðsynlegan til þess að Reykjavík geti sinnt sínu hlutverki sem höfuðborg landsins. Flugvöllurinn er á aðalskipulagi Reykjavíkurborgar til 2016 en framhaldið eftir það er óljóst. Þann 17. mars 2001 var haldin atkvæðagreiðsla í Reykjavík um framtíð flugvallarins. Þátttakan var dræm en naumur meirihluti gildra atkvæða var fyrir því að völlurinn myndi víkja eftir 2016. Niðurstöður atkvæðagreiðslunnar voru ekki bindandi fyrir borgaryfirvöld. Niðurstöðurnar voru sem hér segir:[3][4]

„Vilt þú að flugvöllur verði í Vatnsmýri eftir árið 2016 eða vilt þú að flugvöllurinn fari úr Vatnsmýri eftir árið 2016?“
Svar Atkvæði  %
I - Flugvöllur verði í Vatnsmýri eftir árið 2016 14.529 48,1
II - Flugvöllur fari úr Vatnsmýri eftir árið 2016 14.913 49,3
Auðir og ógildir 777 2,6
Alls 30.219 100,00
Kjörskrá og kjörsókn 81.258 37,2

Myndasafn[breyta]

Tengill[breyta]

Heimildir[breyta]

Tenglar[breyta]