Borgarbókasafn Reykjavíkur
Úr Wikipediu, frjálsa alfræðiritinu
Borgarbókasafn Reykjavíkur er almenningsbókasafn Reykvíkinga. Safnið var stofnað árið 1919 en hóf starfsemi 1923. Í safninu eru um 500.000 bækur og tímarit auk geisladiska, myndbanda og margmiðlunarefnis. Aðalsafnið er í Grófarhúsinu í Tryggvagötu en þar eru einnig til húsa Borgarskjalasafn Reykjavíkur og Ljósmyndasafn Reykjavíkur.
Útlánsstaðir safnsins eru sex en auk þess rekur safnið bókabíl sem ferðast um hverfi Reykjavíkur og sögubíl sem heimsækir leikskóla. Safnið rekur vefinn bókmenntir.is Útlánsstaðir eru þessir:
- Aðalsafnið í Tryggvagötu 15
- Ársafn í Hraunbæ 119
- Foldasafn í Grafarvogskirkju við Fjörgyn
- Gerðubergssafn í Gerðubergi 3-5
- Kringlusafn við Listabraut
- Sólheimasafn, Sólheimum 27
