Winnipeg

Úr Wikipediu, frjálsa alfræðiritinu
Stökkva á: flakk, leita
Þinghúsið í Winnipeg

Winnipeg er höfuðborg og jafnframt stærsta borg Manitoba í Kanada. Winnipeg er sjöunda stærsta borg Kanada og þar búa yfir 60% íbúa Manitobafylkis eða um 700.000 íbúar.[1] Winnipeg er nálægt landfræðilegri miðju Norður Ameríku.

Nafnið „Winnipeg“ kemur úr Cree tungumálinu og merkir „gruggut vatn“ og vísar það til vatnsins í ám og vötnum á svæðinu.

Winnipeg svæðið var viðskiptamiðstöð frumbyggja fyrir komu Evrópubúa til svæðisins um aldamótin 1800. Á seinni hluta 19. aldar og byjun 20. aldar var Winnipeg ein af ört stækkandi borgum Norður Ameríku og varð hún fljótt miðstöð flutninga og framleiðslu.

Íbúar Winnipeg eru margir hverjir af Evrópskum uppruna og fjöldi tungumála er talaður á svæðinu. Auk ensku er þar töluð franska, þýska, Tagalog (en í Winnipeg er næst stærsta samfélag Filipseyinga í Kanada á eftir Toronto) og frumbyggja tungumál eins og Cree.

Landfræði[breyta]

Winnipeg liggur í botni Rauðárdalsins (Red River Valley). Svæðið er alveg flatt og það eru engar brekkur eða hæðir í borginni eða í nágrenni við hana. Hæð Winnipeg yfir sjávarmáli er 240m.

Veðurfar[breyta]

Winnipeg hefur rakt loftslag með miklum hitasveiflum eftir árstíðum. Hitinn er yfirleitt fyrir neðan frostmark frá miðjum nóvember fram í miðjan mars. Mesti kuldi sem mælst hefur var -47.8 °C þann 24.desember 1879. Sumur í Winnipeg geta svo verið ansi heit, en mesti hiti sem mældur hefur verið var 42.2 °C þann 11.júlí, 1936. Þrátt fyrir þessar miklu sveiflur í hita þá státar Winnipeg þó af titlinum Önnur sólríkasta borg Kanada.

Samgöngur[breyta]

Borgin státar af góðum lestarsamgöngum, almenningsvögnum og góðum þjóðvegum. Í Winnpeg er líka alþjóðaflugvöllurinn James Armstrong Richardson International Airport.

Winnipeg

Íslendingar í Winnipeg[breyta]

Nokkur fjöldi Íslendinga er búsettur í Winnipeg og bæjum í kring í Manitobafylki. Íslenskur heiðurskonsúll hefur starfað í Winnipeg frá 1942, en árið 1999 var opnuð aðalræðisskrifstofa með útsendum diplómat. Ræðismaður Íslands í Winnipeg er nú Atli Ásmundsson.[2]

Tilvísanir[breyta]

  1. [1], skoðað þann 14. febrúar 2010.
  2. [2], lesið 14.febrúar 2010.

Tenglar[breyta]