Norðurlandaráð

Úr Wikipediu, frjálsa alfræðiritinu

Norðurlandaráð er samstarfsvettvangur þingmanna Norðurlandanna sem var stofnað árið 1952 eftir seinni heimsstyrjöldina. Á þinginu sitja 87 fulltrúar frá norrænu löndunum fimm og sjálfstjórnarsvæðunum þremur. Fulltrúarnir eru skipaðir af viðkomandi þingi eftir tillögum stjórnmálaflokka og eru þannig ekki lýðræðislega kjörnir.

Aðalskrifstofa Norðurlandaráðs er í Kaupmannahöfn á sama stað og Norræna ráðherranefndin. Sendinefnd hvers lands hefur jafnframt sérstaka skrifstofu eða starfsmenn hjá þingi viðkomandi lands.

Störfum Norðurlandaráðs er stýrt af forsætisnefnd. Frá árinu 1996 hefur Norðurlandaráðsþing verið haldið árlega á haustin. Milli þinganna eru haldnir fundir um einstök málefni. Stjórnmálastarf Norðurlandaráðs fer fram í nefndum og hópum sem eru myndaðir af stjórnmálaflokkum.

Núverandi forseti Norðurlandaráðs er hinn finnski Erkki Tuomioja.

Efnisyfirlit 1 Saga 2 Meðlimir ráðsins 3 Framkvæmdastjórar Norðurlandaráðs 4 Tenglar

[breyta] Saga

Að seinni heimsstyrjöldinni lokinni tók við uppbyggingarstarf víðast hvar í Evrópu, Marshall-áætlunin snerist gagngert um uppbyggingu efnahags og iðnaðar. Norðurlöndin hafa lengi deilt menningu og gott samstarf verið á milli þjóðanna. Tekinn var upp sameiginlegur vinnumarkaður og frjálst flæði ríkisborgara Norðurlandanna á milli þeirra.

[breyta] Meðlimir ráðsins

Ríki	Sjálfstjórnarsvæði
Danmörk Finnland Ísland Noregur Svíþjóð	Álandseyjar Færeyjar Grænland

[breyta] Framkvæmdastjórar Norðurlandaráðs

• Emil Vindsetmoe 1971 - 1973
• Helge Seip 1973 - 1977
• Gudmund Saxrud 1977 - 1982
• Ilkka-Christian Björklund 1982 - 1987
• Gehard af Schultén 1987 - 1989
• Jostein Osnes 1990 - 1994
• Anders Wenström 1994 - 1996
• Berglind Ásgeirsdóttir 1996 - 1999
• Frida Nokken 1999 - 2007
• Jan-Erik Enestam 2007 -

[breyta] Tenglar

• Um Norðurlandaráð á norden.org (á íslensku)
• Skrifstofa Norðurlandaráðs í St. Pétursborg