Norræni fjárfestingarbankinn

Úr Wikipediu, frjálsa alfræðiritinu
Stökkva á: flakk, leita
Merki Norræna fjárfestingarbankans

Norræni fjárfestingarbankinn (NIB) er alþjóðleg fjármálastofnun sem var stofnuð 1975 af Norðurlöndunum fimm. Eystrasaltslöndin þrjú bættust í hóp eigenda bankans 2005.

NIB fæst einkum við fjármögnun verkefna á eftirfarandi sviðum:

  • Orku- og umhverfismál;
  • Samgöngur, fjarskipti og aðrir innviðir;
  • Iðnaður og þjónusta;
  • Fjármálastofnanir og miðlun fjármagns til lítilla og meðalstórra fyrirtækja.

NIB er alþjóðleg fjármálastofnun í eigu Danmerkur, Eistlands, Finnlands, Íslands, Lettlands, Litháens, Noregs og Svíþjóðar. Bankinn stundar lánastarfsemi bæði í eigendalöndunum og í nývaxtarlöndum.

NIB fjármagnar verkefni sem ætlað er að efla samkeppnishæfni og bæta umhverfisáhrif. Bankinn sinnir lánastarfsemi bæði innan aðildarlanda bankans og á vaxtarsvæðum í Afríku, Austurlöndum nær, Asíu, Evrópu og löndum fyrrum Sovétlýðvelda auk Suður-Ameríku. Norræni fjárfestingarbankinn aflar fjár til lánastarfsemi sinnar með lántökum á alþjóðafjármálamarkaði.

Tenglar[breyta]