Narsaq

Úr Wikipediu, frjálsa alfræðiritinu
Loftmynd af Narsaq.
Kirkjan í Narsaq
Narsaq þorpið árið 1900

Narsaq er á Suður-Grænlandi í sveitarfélaginu Kujalleq og þar voru íbúar um 1500 (2013). Bærinn Narsaq er á tanga sem aðskilur Tunulliarfik fjörð (fjörðurinn heitir á dönsku Skovfjorden, en var nefndur Eiríksfjörður af Grænlendingum til forna) og nyrðri Sermilik fjörð (á dönsku: Bredefjord) á um það bil á 61°N. Orðið Narsaq má þýða úr grænlensku sem "sléttan" og er það réttnefni þar sem bærinn stendur á víðáttumiklu flatlendi undir bröttum fjallshlíðum. Flestir búa í sjálfum þéttbýliskjarnanum Narsaq en hinir í byggðakjörnunum þremur í nágrenni hans, Qassiarsuk, Igaliku og Narsarsuaq. Í Narsarsuaq er aðalflugvöllur suðurhluta Grænlands. Íbúum hefur fækkað frá því um aldamót þegar þeir nálguðust 1800. Í Narsaq var áður bandarísk herstöð og var flugvöllurinn byggður til millilendinga í seinni heimsstyrjöldinni. Frá 1959 hefur flugvöllurinn verið notaður til almenningsflugs. Air Greenland flýgur daglega milli Kaupmannahafnar og Narsarsuaq og einnig innanlands á Grænlandi. Þar að auki flýgur Flugfélag Íslands á sumrin til Narsarsuaq frá Reykjavík.

Bærinn er tiltölulega ungur, fékk kaupstaðarréttindi 1959 en var upphaflega verslunarstaður, stofnaður 1830. Aðalatvinnurekstur í bænum er fiskvinnsla, einkum rækjur og krabbar. Tiltölulega frjósamt land er grundvöllur annars helsta atvinnurekstrarins í sveitarfélaginu, sauðfjárræktar. Þar eru 31 af 53 beitarsvæðum á Grænlandi. Ferðamennska er vaxandi atvinnugrein í sveitarfélaginu og nýtur hún góðs af flugvellinum, áhugaverðum gönguleiðum og möguleikum til stangveiði.

Ítarefni[breyta | breyta frumkóða]