Jón Gnarr

Jón Gnarr og Helga Braga á Edduverðlaununum 2007.

Jón Gnarr (áður Jón Gunnar Kristinsson) (fæddur 2. janúar 1967), leikari, útvarpsmaður og skemmtikraftur er borgarstjóri Reykjavíkur fyrir hönd Besta flokksins.

Æviágrip

Jón Gnarr á að baki farsælan feril sem leikari, listamaður og grínisti. Hann sá um útvarpsþáttinn Tvíhöfða á X-inu, Radíó, Radíó X og Rás 2 ásamt Sigurjóni Kjartansyni. Þar áður stjórnaði hann öðrum útvarpsþætti, Heimsenda á Rás 2 árið 1994, auk þess sem hann hefur leikið í ýmsum sjónvarpsþáttum svo sem Limbó, Fóstbræðrum, Næturvaktinni, Dagvaktinni og Fangavaktinni auk ýmissa kvikmynda, til dæmis Maður eins og ég og Íslenski draumurinn.

Besti flokkurinn

Árið 2009 stofnaði Jón Besta flokkinn sem bauð fram í borgarstjórnarkosningunum 29. maí 2010 í Reykjavík og fékk flokkurinn 6 af 15 borgarstjórnarfulltrúum kjörna. Fljótlega ákváð flokkurinn að ganga til viðræðna við Samfylkinguna um meirihluta, sem og varð. Jón Gnarr var kjörinn borgarstjóri í Reykjavík á fundi nýrrar borgarstjórnar 15. júní 2010.

Eitt og annað

• Árið 2005 fékk Jón nafni sínu breytt í þjóðskrá úr Jóni Gunnari í Jón Gnarr. Hann hefur kallað sig Gnarr frá barnæsku. Nafnið er stytting á nafninu Gunnar. Sama ár létu börn hans einnig breyta millinafni sínu í Gnarr. Frosti Örn Gnarr, Dagur Kári Gnarr, Margrét Edda Gnarr og Kamilla María Gnarr. Yngsti sonur Jóns, fæddur 2005, heitir líka Jón Gnarr.

Leikaraferill

Kvikmyndir
Ár	Kvikmynd	Hlutverk	Athugasemdir
1997	Blossi/810551	Brjálaður útvarpshlustandi
2000	Íslenski draumurinn	Valli
2002	Í skóm drekans	Hann sjálfur
	Maður eins og ég	Júlli
2003	Karamellumyndin		Stuttmynd
2004	Með mann á bakinu	J-n	Stuttmynd Tilnefnd til Edduverðlauna fyrir handrit ársins Einnig leikstjóri og handritshöfundur
	Pönkið og Fræbbblarnir	Hann sjálfur
2007	Astrópía	Ögmundur
2008	Stóra planið	Ráðgjafi	Senum var eytt
2009	Bjarnfreðarson	Georg Bjarnfreðarson	Einnig framleiðandi og handritshöfundur ásamt fleirum
2010	Gnarr	Hann sjálfur.	Heimildarmynd um stjórnmálaferil hans. Frumsýnd 12. nóvember 2010.
Sjónvarp
Ár	Titill	Hlutverk	Athugasemdir
1993	Limbó	Ýmis	Einnig handritshöfundur ásamt fleirum
1999	Spaugstofan	Hann sjálfur	Einn þáttur
1997–2001	Fóstbræður	Ýmis	Hlaut Edduverðlaunin fyrir leikara ársins í aðalhlutverki árið 2001 Einnig handritshöfundur ásamt fleirum 39 þættir
2003	Tvíhöfði	Ýmis	Teiknaðir þættir Einnig handritshöfundur ásamt fleirum
2004	Áramótaskaupið 2004	Safnvörður
	Svínasúpan	Ýmis
2006	Áramótaskaupið 2006
2007	Næturvaktin	Georg Bjarnfreðarson	Einnig handritshöfundur ásamt fleirum 12 þættir
	Áramótaskaupið 2007		Einnig handritshöfundur ásamt fleirum
2008	Dagvaktin	Georg Bjarnfreðarson	Einnig handritshöfundur ásamt fleirum 12 þættir
2009	Fangavaktin	Georg Bjarnfreðarson	Einnig handritshöfundur ásamt fleirum 8 þættir

Tenglar

• Ferill Jóns Gnarr á heimasíðu Reykjavíkurborgar
• Jón Gnarr á Internet Movie Database
• vefur um Jón Gnarr,gerður af fjölmiðlatækninemum í Borgarholtsskóla
• Viðtal við næsta borgarstjóra?; þýðing úr Grapevine, viðtal við Jón af bloggsíðu Illuga Jökulssonar 2010
• Jón Gnarr óvinsælli en í fyrra, frétt á Rúv.is 7. september 2011
• Jón Gnarr stofnar stjórnmálaflokk; grein í Fréttablaðinu 2009
• Karlar vilja klám, konur orðaleiki; grein í Fréttablaðinu 2006
• Margir halda að ég sé klikkaður; viðtal við Jón í DV 2002
• Ég vil að fólk þegi og hlusti á mig; viðtal við Jón í DV 1999
• Við erum mjög hæfileikaríkir menn; grein í Helgarpóstinum 1997
• Konungur ævintýranna; grein í DV 1988
• Síðan hef ég ekki grátið yfir ljóðum; viðtal við Jón í Lesbók Morgunblaðsins 1988

Fyrirrennari: Hanna Birna Kristjánsdóttir

Borgarstjóri Reykjavíkur (15. júní 2010 – enn í embætti)

Eftirmaður: enn í embætti

Verðlaun
Fyrirrennari: Ingvar E. Sigurðsson	Edduverðlaunin fyrir leikara ársins í aðalhlutverki 2001	Eftirfari: Gunnar Eyjólfsson

  Þetta æviágrip er stubbur. Þú getur hjálpað til með því að bæta við greinina.