Næturvaktin

Úr Wikipediu, frjálsa alfræðiritinu
Stökkva á: flakk, leita
Næturvaktin
Naeturvaktin poster.jpg
Tegund Gamanþáttur
Handrit Jóhann Ævar Grímsson
Jón Gnarr
Jörundur Ragnarsson
Pétur Jóhann Sigfússon
Ragnar Bragason
Þróun Gestur Valur Svansson
Leikstjórn Ragnar Bragason
Sjónvarpsstöð Stöð 2
Leikarar Jón Gnarr
Jörundur Ragnarsson
Pétur Jóhann Sigfússon
Sara Margrét Nordahl Michaelsdóttir
Upphafsstef Kyrrlátt kvöld
Lokastef Jón pönkari
Land Ísland
Tungumál Íslenska
Fjöldi þáttaraða 1
Fjöldi þátta 12
Framleiðsla
Framleiðslufyrirtæki Saga Film
Klipping Sverrir Kristjánsson
Lengd þáttar 25 mín
Útsending
Upprunaleg sjónvarpsstöð Stöð 2
Myndframsetning 16 : 9
Sýnt 16. september 2007
Tímatal
Framhald Dagvaktin

Næturvaktin er sjónvarpsþáttur sem hóf göngu sína 2007. Þátturinn var sýndur á Stöð 2 á sunnudögum. Fyrsti þátturinn var frumsýndur 16. september og sá síðasti 9. desember. Sögusviðið er lítil bensínstöð á Laugaveginum á næturnar. Á bensínstöðinni ræður ríkjum hinn fertugi vaktstjóri Georg Bjarnfreðarson (Jón Gnarr). Georg er bitur maður sem hefur fimm háskólagráður og ákveðnar skoðanir á tilverunni.

Undirmaður Georgs er Ólafur Ragnar (Pétur Jóhann Sigfússon), starfsmaður á plani og einfaldur og einlægur hnakki sem á einstaklega auðvelt með að koma sér í klandur. Utan næturvaktarinnar vinnar hann sem umboðsmaður hljómsveitarinnar Sólin úr Sandgerði. Nýráðinn starfsmaður í þjálfun er fyrrverandi læknaneminn Daníel (Jörundur Ragnarsson) sem er búinn að slíta öllu sambandi við fjölskyldu og vini út af prófkvíða og þunglyndi. Næturvaktin vann tvenn Edduverðlaun árið 2007 í flokkunum „besta leikna sjónvarpsefnið“ og „vinsælasti sjónvarpsþátturinn“, en síðarnefndu verðlaunin voru valin með áhorfendakosningu.

Dagvaktin[breyta]

Haustið 2008 kom önnur þáttaröð sem bar nafnið Dagvaktin. Hún var meðal annars tekin upp á Hótel Bjarkalundi í Reykhólasveit.

Istorrent-málið[breyta]

Í byrjun nóvember 2007 varð Næturvaktin, ásamt þáttunum Tekinn og Stelpunum, aðalefni viðvörunar Stöðvar 2 til Istorrent vefsíðunnar, þar sem notendur gátu deilt gögnum sem almennt eru varin höfundarrétti. Stöð 2 vildi þá að allir þættir sem sjónvarpsstöðin hafði umráð yfir yrðu teknir af síðunni og hótuðu málshöfðun væri ekki farið að tilmælum þeirra.

10. nóvember 2007 gaf Svavar Kjarrval, stjórnandi Istorrent út lista yfir efni í dreifingarbanni á síðunni og var Næturvaktin á þeim lista, ásamt útgefnum þáttum af Tekinn, Stelpunum og verkum eftir Pál Óskar og Mugison.

Hugsanleg endurgerð fyrir Bandaríkjamarkað[breyta]

Bandaríska fyrirtækið Reveille Productions er í samningaviðræðum við framleiðendur Næturvaktarinnar um að endurgera þættina fyrir Bandaríkjamarkað.[1][2]

Um persónurnar[breyta]

Ytri tenglar[breyta]

  Þessi sjónvarpsgrein er stubbur. Þú getur hjálpað til með því að bæta við greinina.