Wikipedia:Hvernig á að lesa flokkunarfræðilegar upplýsingar

Selaætt
	; Pardusselur
Vísindaleg flokkun
Ríki:	Dýraríki (Animalia);
Fylking:	Seildýr (Chordata);
Flokkur:	Spendýr (Mammalia);
Ættbálkur:	Rándýr (Carnivora);
Undirættbálkur:	Hreifadýr (Pinnipedia);
Ætt:	Phocidae; Gray, 1821
Ættkvíslir
	Munkaselur (Monachus); Sæfíll (Mirounga); Átuselur (Lobodon); Weddellselur (Leptonychotes); Pardusselur (Hydrurga); Rossselur (Ommatophoca); Kampselur (Erignathus); Phoca; Útselur (Halichoerus); Blöðruselur (Cystophora);

Flokkunarfræðilegar upplýsingar birtast í sérstakri töflu sem á að fylgja greinum um lífverur á Wikipediu. Taflan inniheldur upplýsingar um vísindalega flokkun lífverunnar.

Töflunni er skipt í nokkra hluta:

Bakgrunnslitur á fyrirsögnum í töflunni er einkennandi fyrir ríkið: bleikur fyrir dýraríkið, grænn fyrir jurtaríkið, blár fyrir svepparíkið o.s.frv.
Efst er að finna algengasta heiti lífverunnar á íslensku
- Fyrir neðan heitið geta komið fram upplýsingar um ástand stofns
Síðan kemur gjarnan mynd sem sýnir lífveruna
Vísindaleg flokkun lífverunnar fylgir, sem hefst yfirleitt á ríki eða veldi og rekur sig svo gegnum nánari skilgreiningar.
Ef um tegund er að ræða kemur tvínefni tegundarinnar neðst
Hér á eftir getur birst kort sem sýnir dreifingu lífverunnar eða flokksins (mörg slík kort er að finna á Wikimedia Commons).
Ef um flokk er að ræða (ættkvísl eða ætt t.d.) kemur neðst listi yfir þá hluta sem tilheyra flokknum.

Venja er að nota íslensk heiti með samsvarandi latneskum heitum skáletruðum í sviga á eftir. Ef ekkert íslenskt heiti er til er latneska heitið notað eitt sér og birtist þá skáletrað án sviga.