Turku
Turku á finnsku, Åbo á sænsku, einnig Ábær á íslensku, er elsta og fimmta stærsta borg Finnlands, en þar búa um 190.000 manns (árið 2019). Borgin stendur við mynni árinnar Aura í suðvesturhluta Finnlands og er hún miðpunktur þriðja stærsta þéttbýlissvæðis landsins, þar sem búa um 300.000 manns. Í Turku hafa rúmlega 5% íbúanna sænsku að móðurmáli. Vegna staðsetningarinnar er höfnin í Turku ein sú umferðarmesta í Finnlandi.
Allan þann tíma sem Finnland var hluti af sænska ríkinu, allt frá byrjun 13. aldar til 1805, var Åbo stærsta borg finnska ríkishlutans og þjónaði í raun sem höfuðborg. Fyrsti háskóli Finnlands (Kungliga Akademien i Åbo) var stofnaður þar 1640, en sá skóli flutti síðar til Helsinki (Helsingfors) og heitir nú Háskólinn í Helsinki. Rússnesk yfirvöld völdu, eftir að Finnland varð hluti af Rússneska keisaradæminu, að gera Helsinki að höfuðborg 1812 í staðinn og olli það langvarandi togstreitu á milli borganna.
Tenglar
[breyta | breyta frumkóða]- www.turku.fi Geymt 26 apríl 2007 í Wayback Machine