Tröllaskógur

Úr Wikipediu, frjálsa alfræðiritinu
Jump to navigation Jump to search

Tröllaskógur er bæjarstæði og friðlýstar fornminjar á móbergsöldu í Skógshrauni, um 8 km norðaustan við Keldur á Rangárvöllum. Í Jarðabók Árna Magnússonar og Páls Vídalíns segir: „Stóre skógur (Tröllaskógur) er sem rúmlega hálf bæjarleið frá Litla skógi í Arbæjar landi, sem nú er haldið. Hefur án efa byggður verið til forna, og kirkja þar staðið, sem bevisa girðingar og mannabein, er uppblása í stórviðrum. Nú er bæjarstæðið og landið um kring sumpart kafið sandi, sumpart komið í blásið hraun og vatnsból ekkert og þar fyrir aldeilis óbyggilegt.“ Tröllaskógar koma fyrir í Njálssögu.

Silfurnæla frá miðri 11. öld fannst í Tröllaskógi og er varðveitt í Þjóðminjasafni Íslands. Nælan er með kynjadýri, er hefur framfætur og tvo hala, og vefjast um það ormar. Nælan er talin erlend smíð en líkar nælur hafa fundist í Noregi, Svíþjóð og Danmörku.

Heimildir[breyta | breyta frumkóða]