TF-RÁN (flugbátur)

Sjá TF-RÁN fyrir þyrluna sem fórst 1983.

TF-RAN
TF-RAN
Tegund:	PBY-6 Catalina
Árgerð:	1985
Hreyflar	Tveir Pratt & Whitney R-1830-92A Twin Wasp

TF-RAN var PBY Catalina flugbátur í eigu Landhelgisgæslu Íslands. Flugbáturinn var kenndur við gyðjuna Rán, persónugerving hafsins úr norrænni goðafræði.

Saga

Flugbátinn keypti Flugmálastjórn af varnarliðinu á Keflavikurflugvelli, en botn hans hafði skemmst upp við landsteina rétt hjá Þórshöfn á Langanesi í maí 1954. Bandaríkjamenn töldu viðgerð ekki borga sig og buðu íslendingum að kaupa flugvélina í því ástandi sem hún var í. Eftir bráðabirgðaviðgerð var henni flogið til Reykjavíkur, en endanleg viðgerð fór fram hjá SAS í Kaupmannahöfn. Hann var í notkun hjá Flugmálastjórn, sem TF-FSD, til 10. desember 1955, er Landhelgisgæslan eignaðist bátinn. Flugbáturinn var fyrsta loftfarið í eigu Landhelgisgæslunar en áður hafði hún leigt flugvélar til tímabundinna verkefna. Lofthæfisskirteini flugvélarinnar rann út 12. janúar 1963 og var ekki endurnýjað. Hún var seld til niðurrifs 1966, en hún var þá talin ónýt eftir að hafa fokið á bakið í stórviðri.