TF-RÁN

Úr Wikipediu, frjálsa alfræðiritinu
Jump to navigation Jump to search
Sjá TF-RÁN (flugbátur) fyrir flugbátinn sem var í notkun hjá LHG frá 1955 til 1963.
TF-RÁN hífð upp úr Jökulfjörðum, forsíða Morgunblaðsins 16. nóvember 1983.

TF-RAN var þyrla í eigu Landhelgisgæslu Íslands. Hún var keypt árið 1980 og var af gerðinni Sikorsky S 76 og var sérhönnuð til leitar-, björgunar, gæslu- og eftirlitsstarfa. Hún fórst í Jökulfjörðum þann 8. nóvember 1983 með fjögurra manna áhöfn.[1]

Hvarf[breyta | breyta frumkóða]

Þann 8. nóvember 1983, kl: 22:53, lagði þyrlan upp frá varðskipinu Óðni, sem statt var skammt undan Höfðaströnd i Jökulfjörðum, til æfingaflugs. Þremur mínútum síðar heyrðist óljóst kall frá henni og urðu varðskipsmenn á sama tíma einnig varir við leiftur. Umfangsmikil leit hófst þegar í stað og dreif að fiskibáta ásamt því að Flugmálastjórn og varnarliðið sendu flugvélar af stað. Um klukkan 2 um nóttina fann línubáturinn Orri brak úr þyrlunni, sem reyndist vera hlutar úr spöðum þyrlunnar, björgunarbelti og hjálmur.[2] Vélin fannst skömmu fyrir hádegi 10. nóvember á 82 metra dýpi um hálfa aðra sjómílu norður af Höfðaströnd í Jökulfjörðum.[3] Dagana 14. til 15. nóvember var unnið að því að draga vélina upp á yfirborðið af vélbátinum Sigga Sveins. Þegar hún var komin á um 20 metra dýpi hóf kafarasveit störf við hana og fundu þeir lík tveggja áhafnameðlima í þyrlunni, þeirra Þórhalls Karlssonar, flugstjóra, og Bjarna Jóhannessonar, flugvélstjóra. Lík hinna mannanna tveggja, Björns Jónssonar, flugstjóra og Sigurjóns Inga Sigurjónssonar, stýrimanns, voru ekki um borð í þyrlunni.[4][5] Lík Sigurjóns fannst 31. janúar árið 1989 er það kom í trollið á rækjubátnum Óla ÍS,[6][7] en sami bátur fann hurð þyrlunnar árið 1985 sem talið var að hefði skyndilega opnast og sveiflast upp í aðalþyril vélarinnar og ollið hrapinu.[8][9]

Heimildir[breyta | breyta frumkóða]

  1. „Minnast áhafnar þyrlunnar TF-RAN sem fórst fyrir þrjátíu árum". Landhelgisgæsla Íslands. 8. Nóvember 2013. Skoðað 24. Ágúst 2018.
  2. „Þúst kom inn á dýptarmæla". Dagblaðið Vísir. 10. Nóvember 1983. Skoðað 24. Ágúst 2018.
  3. „Neðansjávarmyndavélin staðfesti fund flaksins". Morgunblaðið. 11. Nóvember 1983. Skoðað 24. Ágúst 2018.
  4. „Þyrlan komin upp á tuttugu metra dýpi". Morgunblaðið. 15. nóvember 1983. Skoðað 24. Ágúst 2018.
  5. „Samvinna allra aðila varð til þess að þyrlunni var bjargað". Morgunblaðið. 16. nóvember 1983.: 35, 36. Skoðað 24. Ágúst 2018.
  6. „Rækjubátur fékk lík í trollið". Dagblaðið Vísir. 6. febrúar 1989. Skoðað 24. Ágúst 2018.
  7. „Líkfundurinn í Jökulfjörðum". Dagblaðið Vísir. 10. febrúar 1989. Skoðað 24. Ágúst 2018.
  8. „Ekki séð að hurðin breyti niðurstöðum". Dagblaðið Vísir. 8. maí 1985. Skoðað 24. Ágúst 2018.
  9. „Hurðin er óskemmd en í henni er skurður". Morgunblaðið. 20. apríl 1085.: 56. Skoðað 24. Ágúst 2018.