Svjatlana Tsíkhanoúskaja
Svjatlana Tsíkhanoúskaja | |
|---|---|
| Святлана Ціханоўская | |
.jpg) Tsíkhanoúskaja árið 2024. | |
| Fædd | 11. september 1982 |
| Þjóðerni | Hvítrússnesk |
| Menntun | Kennslufræðiháskólinn í Mozyr |
| Störf | Stjórnmálamaður |
| Flokkur | Óflokksbundin |
| Maki | Sjarhej Tsíkhanoúskí (g. 2004) |
| Börn | 2 |
| Vefsíða | tsikhanouskaya |
Svjatlana Heorhíjeúna Tsíkhanoúskaja (hvítrússneska: Святлана Георгіеўна Ціханоўская; fædd 11. september 1982) er hvítrússneskur mannréttindafrömuður og stjórnmálamaður sem bauð sig fram í forsetakosningunum í Hvíta-Rússlandi 2020.
Tsíkhanoúskaja tók við forystu stjórnarandstöðunnar í Hvíta-Rússlandi eftir að eiginmaður hennar, Sjarhej Tsíkhanoúskí, var handtekinn í aðdraganda kosninganna 2020.[1]
Sitjandi forsetinn Alexander Lúkasjenkó var lýstur sigurvegari í kosningunum og opinberar tölur gáfu til kynna að hann hefði unnið með 80 prósentum atkvæða.[2]
Niðurstaða kosninganna var mjög umdeild og Lúkasjenkó var víða sakaður um að hafa haft rangt við. Tsíkhanoúskaja viðurkenndi ekki sigur Lúkasjenkós og tók þátt í fjöldamótmælum gegn kosningunum og einræðisstjórn Lúkasjenkós frá ágúst 2020. Hún flúði til Litáens í mótmælunum af ótta um líf sitt og barna sinna.[3] Sum ríki, meðal annars Bretland, viðurkenndu ekki niðurstöður kosninganna.
Eiginmanni Svjatlönu, Sjarhej, var sleppt úr fangelsi árið 2025 eftir fund Keiths Kellogg, sendierindreka Bandaríkjastjórnar, með Lúkasjenkó.[4]
Tilvísanir
[breyta | breyta frumkóða]- ↑ Elín Margrét Böðvarsdóttir (29. október 2024). „Óviss hvort eiginmaðurinn sé á lífi en ætlar ekki að gefast upp“. Vísir. Sótt 31. júlí 2025.
- ↑ Bogi Ágústsson (10. ágúst 2020). „Tsíkhanovskaja neitar að viðurkenna ósigur“. RÚV. Sótt 17. ágúst 2020.
- ↑ Jónas Atli Gunnarsson (17. ágúst 2020). „Framtíð Lúkasjenkó óviss“. Kjarninn. Sótt 17. ágúst 2020.
- ↑ Dagný Hulda Erlendsdóttir (2. júlí 2025). „Nær óþekkjanlegur eftir fimm ár í fangelsi og lýsir skelfilegum aðbúnaði“. RÚV. Sótt 31. júlí 2025.
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.