Styrktarþjálfun
Styrktarþjálfun eða mótstöðuþálfun er líkamsþjálfun sem gengur út á að auka líkamlegan styrk. Styrktarþjálfun fer oft fram með lóðum, en hægt er að nota eigin líkamsþyngd til að æfa styrk. Markviss styrktarþjálfun notar stigvaxandi álag á vöðvahópa með fjölbreyttum æfingum og æfingatækjum. Styrktarþjálfun er aðallega loftfirrð þjálfun, þótt til séu æfingakerfi (eins og stöðvaþjálfun) sem fela líka í sér loftháða þjálfun. Andstæðan við styrktarþjálfun er þolþjálfun, sem er að mestu loftháð þjálfun.
Markviss styrktarþjálfun getur aukið styrk vöðva, sina og liðbanda. Hún eykur líka beinþéttni, efnaskipti og hækkar mjólkursýruþröskuld líkamans. Styrktarþjálfun bætir líka virkni liðamóta og hjartans, og dregur úr hættu á meiðslum hjá íþróttafólki og öldruðum.[1][2]
Ofþjálfun í styrktarþjálfun getur leitt til álags á hjarta- og æðakerfið, veiklaðs ónæmiskerfis, svefntruflana og hormónatruflana. Í alvarlegum tilfellum getur rákvöðvarof (niðurbrot vöða) leitt til nýrnabilunar.[3]
Tilvísanir
[breyta | breyta frumkóða]- ↑ Zouita; og fleiri (2016). „Strength training reduces injury rate in elite young soccer players during one season“. The Journal of Strength & Conditioning Research. 30 (5): 1295–1307. doi:10.1519/JSC.0000000000000920.
- ↑ Skelton, D. A., & Beyer, N. (2003). „Exercise and injury prevention in older people“. Scandinavian journal of medicine & science in sports. 13 (1): 77–85. doi:10.1034/j.1600-0838.2003.00300.x.
- ↑ Lára Kristín Jónsdóttir (7.2.2019). „Hvað er ofþjálfun?“. Doktor.is.
