Skarð (Dalsmynni)
Skarð er bær í Dalsmynni, milli Fnjóskadals og Höfðahverfis í Suður-Þingeyjarsýslu. Land sjálfs Skarðs er nálægt 2300 hekturum að flatarmáli en auk þess á jörðin tvær minni jarðir, Pálsgerði og Litlagerði, alls um 250 hektara til viðbótar. Í landi Skarðs eru Skarðsdalur, löngum nýttur sem afrétt, og Skarðsá, sem mjög lengi hefur knúið rafstöð. Þá eru verulegar leifar af fornum skógi í landinu. Suðurmörk jarðarinnar markast af Fnjóská. Á Skarði bjuggu hjónin Jóhann Bessason (1839-1912) og Sigurlaug Einarsdóttir (1847-1927), en frá þeim er margt manna komið.
