Sigurður Helgason
Sigurður Helgason (f. 30. september, 1927 á Akureyri; d. Belmont, Massachusetts í Bandaríkjunum 3. desember 2023) var íslenskur stærðfræðingur. Hann lauk stúdentsprófi árið 1945 frá Menntaskólanum á Akureyri, stundaði nám við verkfræðideild Háskóla Íslands í einn vetur og hélt svo til Kaupmannahafnar í stærðfræðinám. Þaðan fór hann til Bandaríkjanna í nám og lauk doktorsprófi við Princeton-háskóla árið 1954 þar sem Salomon Bochner var leiðbeinandi hans. Frá 1960 gegndi hann starfi prófessors við Tækniháskóla Massachusetts. Hann fékkst við rúmfræði og stærðfræðigreiningu í samhverfum rúmum.
Tenglar
[breyta | breyta frumkóða]- Halldóra Þórsdóttir (15.8.2007). „Stærðfræðin óháð aldri, landamærum og pólitík“. Morgunblaðið. bls. 8.
- „Það sem stærðfræðingur vinnur að í dag getur fengið mikla þýðingu eftir 20 ár“. Íslendingur. 27.6.1985. bls. 4-5.
- Heimasíða Sigurðar Helgasonar hjá MIT Geymt 22 apríl 2017 í Wayback Machine