Vilhjálmur og Elly Vilhjálms syngja jólalög

Úr Wikipediu, frjálsa alfræðiritinu
(Endurbeint frá SG 041)
Jump to navigation Jump to search
Vilhjálmur og Elly Vilhjálms syngja jólalög
Forsíða Vilhjálmur og Elly Vilhjálms syngja jólalög

Bakhlið Vilhjálmur og Elly Vilhjálms syngja jólalög
Bakhlið

Gerð SG - 041
Flytjandi Vilhjálmur og Elly Vilhjálms
Gefin út 1971
Tónlistarstefna Jólalög
Útgáfufyrirtæki SG - hljómplötur
Upptökustjórn Pétur Steingrímsson

Vilhjálmur og Elly Vilhjálms syngja jólalög er 33 snúninga LP hljómplata gefin út af SG - hljómplötum árið 1971. Hljóðritun fór fram í Ríkisútvarpinu undir stjórn Péturs Steingrímssonar. Útsetningar og hljómsveitarstjórn, Jón Sigurðsson.

Lagalisti[breyta | breyta frumkóða]

  1. Jólaklukkur - Bæði syngja -Lag - texti: Amerískt þjóðlag - Loftur Guðmundsson
  2. Jól á hafinu - Vilhjálmur syngur - Lag - texti: Steer/Hansen - Jóhanna G. Erlingsson
  3. Gefðu mér gott í skóinn - Elly syngur - Lag - texti: J. Marks - Ómar Ragnarsson
  4. Jólin allstaðar - Bæði syngja - Lag - texti: Jón Sigurðsson - Jóhanna G. Erlingsson Hljóðdæmi 
  5. Snæfinnur snjókarl - Vilhjálmur syngur - Lag - texti: Nelson/Rollins - Hinrik Bjarnason
  6. Hvít jól - Bæði syngja - Lag - texti: Irving Berlin - Stefán Jónsson
  7. Hátíð í bæ - Vilhjálmur syngur - Lag - texti: Bernhard - Ólafur Gaukur
  8. Jólasnjór - Bæði syngja - Lag - texti: Livingstone/Evans - Jóhanna G. Erlingsson
  9. Ég sá mömmu kyssa jólasvein - Elly syngur - Lag - texti: Connor - Hinrik Bjarnason
  10. Jólasveinninn minn - Bæði syngja - Lag - texti: Autry/Haldeman - Ómar Ragnarsson
  11. Litla jólabarn - Elly syngur - Lag - texti: Worsing/Anderson — Ómar Ragnarsson
  12. Jólin koma - Vilhjálmur syngur - Lag - texti: Spielman/Torre — Ómar Ragnarsson

Textabrot af bakhlið plötuumslags[breyta | breyta frumkóða]

Þetta er fjórða tólf laga platan, sem þau systkinin, Vilhjálmur og Elly Vilhjálms syngja inn á. Fyrri þrjár plötur þeirra hafa allar náð miklum vinsœldum og er platan með lögum Sigfúsar Halldórssonar einhver söluhœsta hljómplata, sem komið hefur út á Íslandi.

Á þessari fjórðu plötu eru jólalög, sem flest öll eru löngu kunn hér á landi, því þau hafa heyrzt í flutningi annarra. Söngur Ellyar og Vilhjálms er ekki síðri á þessari plötu en hinum fyrri plötum þeirra og þykir sérstök ástœða til að benda á lagið Jólasnjór, þar sem þau syngja fjórraddað eins og um söngkvartett vœri að rœða, en svo vel leysa þau þetta af hendi, að einstakt er. Hugmyndina að fjórrödduðum söng í þessu lagi átti Jón Sigurðsson, sem útsetti öll lögin og stjórnaði undirleik. Pétur Steingrímsson, tœknimaður útvarpsins á sérstakar þakkir skilið fyrir vandaða hljóðritun við erfið skilyrði, því segja má, að enn séu ekki til tœki hér á landi til að taka upp fjórraddaðan söng á þann máta, sem hér er gert, þó að það hafi verið gert! Skulu fleiri orð ekki höfð um þessa plötu. Nöfn þeirra, er hér koma við sögu eru beztu meðmœlin með henni.