Sólbaugur

Skýringarmynd sem sýnir feril jarðar umhverfis sólu á sólbaugsfletinum.

Sólbaugur nefnist ferill sólar á himni yfir eitt ár miðað við fastastjörnur. Skurðpunktar miðbaugs himins og sólbaugs eru vorpunktur og haustpunktur. Sólbaugur var lengi mikilvægt hugtak í stjörnufræði og undirstaða bæði stjörnuspeki og tímatalsfræði.

Frá athuganda á jörðu niðri virðist sólin ferðast yfir himinhvolfið eftir ákveðinni leið miðað við stjörnuhimininn, sérstaklega stjörnumerki dýrahringsins. Reikistjörnur sólkerfisins og tunglið sjást líka nærri sólbaugnum þar sem brautarflötur þeirra er nærri brautarfleti jarðar.

Sólbaugur var mikilvægur viðmiðunarflötur í fornöld. Sólbaugshnit eru algeng aðferð til að tákna sýndarstöðu og áttir sólkerfisfyrirbæra. Stjörnufræðingar fornaldar gátu til dæmis reiknað út möndulhalla jarðar með því að bera miðbaug saman við sólbaug.

Tilvísanir

  Þessi stjörnufræðigrein er stubbur. Þú getur hjálpað til með því að bæta við greinina.