Rut Hallgrímsdóttir
Rut Hallgrímsdóttir (fædd 1951) er íslenskur ljósmyndari sem opnaði eigin ljósmyndastofu, Ljósmyndir Rutar, árið 1988. Stofan heitir í dag Ljósmyndir Rutar og Silju en Silja Thorlacius er meðeigandi síðan 2017.[1] Á ljósmyndastofu sinni hefur Rut lagt metnað sinn í vinnslu svart-hvítra ljósmynda auk litmynda. Rut hefur unnið jöfnum höndum við ýmis verkefni: ljósmyndun fyrir tímarit, auglýsingaljósmyndun og portrettljósmyndun. Barnaljósmyndun hefur verið stór hluti af störfum hennar.
Rut lærði ljósmyndun í Iowa, Bandaríkjunum við Hawkeye Institute of Technology á árunum 1978 til 1979, Hún stundaði nám hjá Sigurgeiri Sigurjónssyni ljósmyndara og öðlaðist meistararéttindi árið 1986. Rut er félagi í Ljósmyndarafélagi Íslands og hefur starfað þar í stjórn og prófnefnd.
Tilvísanir
[breyta | breyta frumkóða]- ↑ Stefánsson, Ingólfur (15. júní 2021). „Rut Hallgrímsdóttir sýnir í Saga Fotografica“. Sótt 13. maí 2022.
