Rafsvið

Rafsvið er svið sem myndast í tímarúmi umhverfis rafhlaðnar agnir. Styrkur rafsviðs er táknaður með E og hefur SI-mælieininguna volt á metra, tákað með V/m. Rafsegulmagn er heiti á víxlverkun raf- og segulsviðs við rafhlaðna hluti, en því er lýst stærðfræðilega með jöfnum Maxwells.

Coulombslögmál lýsir rafsviðskrafti milli tveggja punkthleðsla.

Myndræn framsetning á rafsviði milli tveggja punkthleðsla, jákvæðrar (rauð) og neikvæðrar (græn).

Ef rafsvið fer um rafsvara (einangrara) skautast efnið og notast þar við s.k. hliðrunarrafsvið, táknað með D, sem skilgreint er þannig:

${\mathbf {D} }=\epsilon _{0}({\mathbf {E} }+{\mathbf {P} }),$

þar sem P er skautunarvigur og ε₀ er rafsvörunarstuðull lofttæmis.

Vigrarnir P og E eru innbyrðist háðir:

${\mathbf {P} }=\chi {\mathbf {E} },$

þar sem χ er einingarlaus stærð, s.n. rafviðtak og lýsir hvernig efnið bregst við ytra rafsviði.

Því má einnig rita:

${\mathbf {D} }=\epsilon _{0}(1+{\chi }){\mathbf {E} },$

eða

${\mathbf {D} }=\epsilon {\mathbf {E} },$

þar sem ${\epsilon }=\epsilon _{0}({1+{\chi }})$ er rafsvörunarstuðull.