Nigel Richards
Nigel Richards | |
|---|---|
 Richards árið 2018 | |
| Fæddur | 1967 Christchurch, Nýja-Sjáland[1] |
| Störf | Skraflari |
Nigel Richards (fæddur 1967)[2] er nýsjálenskur-malasískur skraflari sem er almennt talinn vera besti mótspilari í skrafli frá upphafi. Richards fæddist og ólst upp á Nýja-Sjálandi og varð heimsmeistari árið 2007 og endurtók leikinn árin 2011, 2013, 2018 og 2019. Hann vann einnig þriðja meistaramót enskumælandi skraflara árið 2019.[3]
Richards er einnig fimmfaldur bandarískur meistari (fjórum sinnum í röð frá 2010 til 2013), áttfaldur breskur meistari, ellefufaldur meistari á heimsmeistaramótinu í Singapúr og fimmtánfaldur meistari á heimsmeistaramótinu í Taílandi, stærsta skraflmót heims.
Árið 2015, þrátt fyrir að tala ekki frönsku, varð Richards heimsmeistari í frönsku skrafli eftir að hafa eytt að sögn níu vikum í að læra frönsku orðabókina.[4][5] Hann varð aftur meistari árið 2018 og margsinnis aftur frá árinu 2016.[6]
Richards er nafntogaður fyrir að vera sjónmunamaður og tölvitringur. Richards er að sögn einangraður persónuleiki og hefur sjaldan verið í viðtölum.[7]
Árið 2015 bauð Skraflfélag Íslands honum Richards að mæta til leiks á Íslandsmótinu í skrafli og læra málið utanbókar, en Richards afþakkaði boðið.[8]
Skraflferill[breyta | breyta frumkóða]
Richards keppti fyrst í skrafli hjá Christchurch-skraflklúbbnum á Nýja-Sjálandi. Frá því að hann hóf keppnisferil sinn árið 1996 hefur hann unnið um 75% mótsleikja sinna og safnað um 200.000 bandaríkjadölum í verðlaunafé.[9] Árið 2000 flutti Richards til Malasíu.
2007[breyta | breyta frumkóða]
Richards varð heimsmeistari í skrafli og þénaði 15.000 bandaríkjadali með því að vinna úrslitakeppni, 3 leiki á móti 0, gegn Malasanum Ganesh Asirvatham.
Síðan 2020[breyta | breyta frumkóða]
Eftir að hafa orðið meistari á meistaramót enskumælandi skraflara hefur Richards ekki tekið þátt í neinum öðrum meistaramótum. Síðasta stórmótið sem hann tók þátt í var ASCI 2023 Masters, sem hann vann.[10]
Tilvísanir[breyta | breyta frumkóða]
- ↑ Willsher, Kim (21. júlí 2015). „The French Scrabble champion who doesn't speak French“. The Guardian. Afrit af uppruna á 28. júlí 2015.
- ↑ Gendron, Guillaume (27. júlí 2015). „Nigel Richards, déchiffrer des lettres“. Libération (franska). Afrit af upprunalegu geymt þann 15. maí 2023.
- ↑ Nigel’s WESPAC title
- ↑ „Talar ekki málið en vann skraflmót“. www.mbl.is. Sótt 14. júní 2024.
- ↑ „Sigraði í Skrafli en kann ekki tungumálið - RÚV.is“. RÚV. 22. júlí 2015. Sótt 14. júní 2024.
- ↑ „The scrabble legend with few words to say, but plenty to play“. ESPN (enska). 16. janúar 2019. Sótt 29. október 2023.
- ↑ Pascaud, May (21. júlí 2015). „The new French-language Scrabble champion doesn't speak French“. The World. PRX. Sótt 9. mars 2023.
- ↑ „Þegar Skraflfélagið skoraði á Nigel“. 13. desember 2016. Sótt 14. júní 2024.
- ↑ „Nigel Richards – Player Profile“. cross-tables.com. Sótt 23. febrúar 2014.
- ↑ „Nigel Richards“. World English Language Scrabble Players Association. Sótt 2. nóvember 2023.