Gleym-mér-ei
(Endurbeint frá Myosotis arvensis)
| Gleym-mér-ei | ||||||||||||
|---|---|---|---|---|---|---|---|---|---|---|---|---|
 | ||||||||||||
| Vísindaleg flokkun | ||||||||||||
| ||||||||||||
| Tvínefni | ||||||||||||
| Myosotis arvensis (L.) Hill |
Gleym-mér-ei,[1] kærminni eða kattarauga (fræðiheiti: Myosotis arvensis[2]) er jurtkennd, einær jurt af munablómaætt sem ber lítil, heiðblá blóm.[3]
Lýsing[breyta | breyta frumkóða]
Blómin eru 4 til 5 mm í þvermál, heiðblá með gul- eða hvítleitar skellur við blómginið. Bikarinn er fimmdeildur með hvít krókhár. Í hverju blómi eru 5 fræflar sem eru lokaðir inni í krónupípunni. Blöðin eru stakstæð og lensulaga, um 5 til 7 mm á breidd. Stöngull, blöð og blóm eru alsett hvítum hárum. Plantan getur náð 10 til 30 sentímetra hæð og vex í högum og móum, sérstaklega í nálægð við þéttbýli eða byggð ból.
Annað[breyta | breyta frumkóða]
Hárin á plöntunni valda því að hún loðir vel við föt eins og til dæmis prjónaðar peysur og flís. Þetta er vinsælt hjá börnum.
Tilvísanir[breyta | breyta frumkóða]
- ↑ Akureyrarbær. „Garðaflóra“. Lystigarður Akureyrar. Sótt 31. mars 2024.
- ↑ „Myosotis arvensis (L.) Hill | COL“. www.catalogueoflife.org. Sótt 1. apríl 2024.
- ↑ „Untitled 1“. www.floraislands.is. Sótt 31. mars 2024.
Wikimedia Commons er með margmiðlunarefni sem tengist Gleym-mér-ei.
Wikilífverur eru með efni sem tengist Myosotis arvensis.
