Marflær

Úr Wikipediu, frjálsa alfræðiritinu
Stökkva á: flakk, leita
Marflær
Hyperia macrocephala
Hyperia macrocephala
Vísindaleg flokkun
Ríki: Dýraríki (Animalia)
Fylking: Liðdýr (Arthropoda)
Undirfylking: Krabbadýr (Crustacea)
Flokkur: Stórkrabbar (Malacostraca)
Yfirættbálkur: Peracarida
Ættbálkur: Amphipoda
Latreille, 1816
Undirættbálkar

Marflær (fræðiheiti: Amphipoda) eru ættbálkur lítilla krabbadýra sem lifa aðallega í sjó. Ættbálkurinn Amphipoda er af undirflokki stórkrabba. Marflær lifa aðallega í sjó. Þær hafa mjög þéttan líkama en enga skel, eru oftast brúnleitar að lit og misstórar eða 1 til 340 millimetrar að lengd. Heitið Ampipoda þýðir öðruvísi fætur á latínu þar sem fætur marflóarinnar eru með mismunandi form.

Bygging[breyta | breyta frumkóða]

Líkami marflóa skiptist í 13 hluta sem hægt er að flokka frá höfði, brjósti og að kvið. Höfuðið rennur saman við brjóstkassa og ber tvö pör af skynfærum og par af samsettum augum. Einnig hefur marflóin munn en hann er mestu leyti falinn. Brjóst og kviður er yfirleitt mjög áberandi en marflóin hefur mismunandi fætur, sem eru oftast lárétt og liggja þétt að líkamanum þar sem engin skel er. Brjóstkassinn ber átta pör af af festum, fyrstu festarnar eru til hjálpar við munnopið og næstu 4 pör eru notuð til að beina marflónni áfram og síðustu 3 pörin eru til þess að beina henni aftur á bak. Á brjóstholi eru tálkn og þar er opið blóðrásarkerfi að hjartanu. Tálkn eru til staðar á brjóstholi og er súrefnið borið um líkamann með rauðkornavefjum. Upptaka seltu er stýrð af sérstökum kirtlum á skynfærum þeirra. Kviðnum er skipt í tvö hluta: þar sem sundfætur eru og svo er þar sem halinn er.

Stærð[breyta | breyta frumkóða]

Stærð marfló er yfirleitt minna en 10 mm að lengd. Lengsta lifandi marflóin sem hefur verið skráð voru 280 mm og fannst hún mynduð á 5300 m dýpi í Kyrrahafi. Sýni frá Atlandshafi sem var 340 mm að lengd hefur verið skráð frá sömu tegund Alicella gigantea. Minnsta marfló sem er vitað um er minni en 1 mm að lengd. Stærðin takmarkast af skorti af uppleystu súrefni og fer því stærð eftir hvaða hæð marflóin lifir í.

Marflær eiga til að leggjast á hræ en lifa þó flestar á leifum plantna og dýra. Þær eru mikilvægur hluti vistkerfisins í bæði sjó og ferskvatni. Í ferskvatni og sjó hjálpa þær til að brjóta niður rotnandi plöntur og dýr. Einnig eru þær mikilvæg fæða nytjafisk eins og þorsk og ýsu. (Hafrannsóknarstofnun, e.d).

Heimkynni[breyta | breyta frumkóða]

Marfló var fyrst skráð þegar hún fannst Kaliforníu árið 1918. Flestar marflær búa í fjörum undir steinum eða í sjávarþangi. Marflóin finnst á öllum hafsvæðum frá grunnævi og niður á jafnvel dýpstu hafsvæði. Einnig má finna þær í ferskvatni og á þurrlendi.

Flokkun[breyta | breyta frumkóða]

Marfló er mjög dreifður ættbálkur með 9.598 tegundir sem eru flokkaðar í aðra undirflokka.

Árið 2013 þróuðu Lowry og Myer nýja flokkun. Áður var ættbálkurinn flokkaður niður í Gammaridea, Caprelloidea, Hyperiidea og Ingolfiellidea. Nú er talið að Senticaudata sé sérstakur undirflokkur en áður fyrr var hann talinn undir flokknum Gammaidea. Caprelloidea sem áður var talinn undirflokkur er nú flokkaður undir Senticaudata sem er talinn stærsti flokkurinn (Horton, T.; Lowry, J. & De Broyer, C, 2013).

Nú eru flokkarnir:[breyta | breyta frumkóða]

  • Gammaridea (um 4.000. tegundir, flestar ferskvatns- og landtegundir).
  • Senticaudata (um 5.000 tegundir)
  • Hyperiidea (um 300 tegundir)
  • Ingolfiellidea (um 40 tegundir).

Heimildir[breyta | breyta frumkóða]

Wikimedia Commons er með margmiðlunarefni sem tengist
Einkennismerki Wikilífvera
Wikilífverur eru með efni sem tengist