Marínering

Úr Wikipediu, frjálsa alfræðiritinu
Kjúklingalæri í maríneringu

Marínering er yfirleitt súr kryddbættur vökvi sem matvæli eru sett í áður en þau eru elduð. Maríneringar eru venjulega byggðar á sýru eins og ediki, sítrónusafa eða víni, en má líka byggja á ávöxtum eins og ananas, papaja eða kíví. Auk þess geta maríneringar innihaldið olíu og krydd til að bæta bragðið. Maríneringar eru oft notaðar til að mýkja seigt kjöt en það getur legið í maríneringunni í allt frá nokkrum sekúndum til nokkurra daga.

Sýran í maríneringu veldur því að vefurinn í kjötinu byrjar að brotna niður og því sýgur það inn meiri vökva. Mikilvægt er að setja ekki of mikla sýru í maríneringuna því það getur haft neikvæð áhrif á bragðið. Í góðri maríneringu eru sýra, olía og krydd í jafnvægi. Ef hrátt marínerað kjöt er frosið getur yfirborð kjötsins brotnað niður sem veldur því að það verður maukkennt við eldun.

Hrátt kjöt eða fiskur getur innihaldið skaðlega gerla sem geta spillt maríneringunni. Það á að marínera kjöt í ísskápnum til að hindra fjölgun gerla. Marínering sem hefur komist í snertingu við hrátt kjöt eða fisk á ekki að nota nema það sé soðið strax fyrir neyslu. Ílátið sem er notað til maríneringar á að vera úr plasti því málmur eða keramík geta brugðist við sýrunni í maríneringunni.

  Þessi matar eða drykkjargrein er stubbur. Þú getur hjálpað til með því að bæta við greinina.