Majorka
Majorka (spænska og katalónska Mallorca) er ein af Baleareyjunum í Miðjarðarhafi og tilheyrir Spáni. Nafn eyjarinnar kemur úr latínu insula maior, "stærri eyja"; síðar Maiorica. Aðrar nálægar eyjar eru Menorka, Ibiza og Formentera. Íbúar eru um 900.000.
Söguágrip
Elstu minjar um byggð á Majorca eru grafhvelfingar frá árunum 4000-6000 f. Kr.
Árið 534 varð Majorca hluti af austrómverska keisaradæminu og landstjórinn Apollinarius tók þar við völdum.
Austrómverska kirkjan lét byggja fjölda guðshúsa og eftir það blómstraði kristindómur á eyjunni.
Árið 707 réðust múslimar frá Norður-Afríku á eyjuna. Árásir þeirra voru linnulausar þannig að eyjaskeggjar þurftu að biðja um hjálp frá Karlamagnúsi sem þá var konungur Franka.
Svæði
Höfuðborgin á Majorca heitir Palma de Mallorca og er stærsta borg á Baleareyjum. Hún er á suðurströnd Majorca og er tólfta stærsta borgarsvæði Spánar. Næstum því helmingur íbúa Majorca á heima í Palma, eða um 383.000 íbúar. Ef úthverfi eru talin með er heildaríbúafjöldi borgarinnar 517.000 manns.
Majorca er stærsta eyjan sem tilheyrir Spáni, 3640 ferkílómetrar að flatarmáli.
Á árunum 1838-1839 átti Frédéric Chopin heima á Majorca í bænum Valldemossa sem þykir vera fallegt þorp. Munir í hans eigu eru í safni í Valldemossa og þar er hægt að skoða verk hans og hlusta á píanóleik.
.jpg)
Tenglar[breyta | breyta frumkóða]
- Eyjadrottningin í Miðjarðarhafinu; grein í DV 1991
- Fyrirmynd greinarinnar var ,,Majorca" á ensku útgáfu Wikipedia. Sótt 16. Mars 2016.
