Lua (forritunarmál)
Lua er forritunarmál sem búið var til árið 1993 af Roberto Ierusalimschy, Luiz Henrique de Figueiredo og Waldemar Celes en þeir voru félagar í tölvutæknihópinum Tecgraf við Pontifical Catholic University í Rio de Janeiro í Brasilíu. Ár árunum 1977 til 1992 voru miklar takmarkanir á innflutningi vélbúnaðar og hugbúnaðar til Brasilíu og viðskiptavinir Tecgraf gátu ekki keypt innfluttan búnað og það varð til þess að Tecgraf hópurinn smíðaði eigin verkfæri frá grunni.
Lua er vinsælt í forritun á tölvuleikjum og það tekur skamman tíma að læra Lua. Forritunarumhverfið Codea er byggt á Lua. Leikir í Roblox eru gerðir í Lua. Lua er notuð í ýmis konar hugbúnaði öðrum en leikjum og má nefna að Lua er notað í tengslum við Mediawiki til að færa gögn úr Wikidata yfir í Wikipediagreinar.