Lon Nol
| Lon Nol | |
|---|---|
| លន់ នល់ | |
 Nol árið 1972. | |
| Forseti Khmer-lýðveldisins | |
| Í embætti 10. mars 1972 – 1. apríl 1975 | |
| Forsætisráðherra | Sisowath Sirik Matak Son Ngoc Thanh Hang Thun Hak In Tam Long Boret |
| Forveri | Cheng Heng |
| Eftirmaður | Saukham Khoy (starfandi) |
| Forsætisráðherra Khmer-lýðveldisins[a] | |
| Í embætti 14. ágúst 1969 – 20. apríl 1971 | |
| Þjóðhöfðingi | Sisowath Kossamak (1969–1970) |
| Forseti | Norodom Sihanouk Cheng Heng |
| Forveri | Penn Nouth |
| Eftirmaður | Sisowath Sirik Matak |
| Í embætti 25. október 1966 – 1. maí 1967 | |
| Þjóðhöfðingi | Sisowath Kossamak |
| Forseti | Norodom Sihanouk |
| Forveri | Norodom Kantol |
| Eftirmaður | Son Sann |
| Persónulegar upplýsingar | |
| Fæddur | 13. nóvember 1913 Kampong Leav, Prey Veng, franska Indókína |
| Látinn | 17. nóvember 1985 (72 ára) Fullerton, Kaliforníu, Bandaríkjunum |
| Stjórnmálaflokkur | Sósíal-repúblikanar (1972–1975) Óflokksbundinn (1970–1972) Sangkum (1955–1970) Khmer-endurnýjunarflokkurinn (1947–1955) |
| Undirskrift |  |
Lon Nol (fæddur 13. nóvember 1913, dáinn 17. nóvember 1985) var stjórnmálamaður og hershöfðingi í Kambódíu. Hann gegndi embætti forsætisráðherra í tvígang og var auk þess varnarmálaráðherra. Þegar Norodom Sihanouk var erlendis, 18. mars 1970, framkvæmdi Lon Nol valdarán í landinu, setti Sihanouk af og afnumdi konungsveldið og stofnaði Khmer-lýðveldið. Óvíst er hversu stóran þátt Bandaríkin áttu í valdaráninu en vitað er að þau höfðu mikinn áhuga á því að koma Sihanouk frá völdum.
Lon Nol krafðist þess að hersveitir Norður-Víetnam og skæruliðar frá Suður-Víetnam yfirgæfu Kambódíu. Austurhluti Kambódíu hafði orðið mikilvæg fluttningaleið og baksvæði í baráttunni gegn bandaríkjaher og bandamönnum þeirra í Víetnam. Rauðu khmerarnir hófu harða baráttu gegn stjórn Lon Nol og fengu Sihanouk prins í lið með sér.
Fljótlega varð staðan sú að Lon Nol réði einungis yfir höfuðborginni, Phnom Penh, og nokkrum öðrum stærri borgum en kommúnistarnir, undir forystu Pol Pots, réðu yfir landsbyggðinni. Fyrsta apríl 1975 gafst Lon Nol upp og flúði til Bandaríkjanna, Rauðu khmerarnir tóku Phnom Penh 17. apríl og tæmdu borgin á næstu dögum. Forsprakkar Khmer Lýðveldisins og fjölskyldur þeirra sem ekki komust úr landi voru öll drepinn. Lon Nol lést í Bandaríkjunum 17. nóvember 1985.
Tenglar
[breyta | breyta frumkóða]- General Lon Nol Geymt 23 september 2009 í Wayback Machine
- The removal of Sihanouk
- Pol Pot Geymt 2 desember 2008 í Wayback Machine
Neðanmálsgreinar
[breyta | breyta frumkóða]- ↑ Forsætisráðherra Konungsríkisins Kambódíu þar til stofnun lýðveldisstjórnar var tilkynnt þann 9. október 1970.