Lekandi

Sé móðir með lekanda getur barn sýkst af bakteríunni við fæðingu. Hér sést barn með augnsýkingu vegna lekanda-bakteríunnar.

Lekandi (gonorrhea) er kynsjúkdómur sem orsakast af bakteríusýkingu af völdum Neisseria gonorrhoeae.

Hún smitast í slímhúðir og getur þá sýkt kynfæri, þvagrás, endaþarm, augu, og háls. Einkenni sýkingar eru sársauki við þvaglát, útferð (hvítleitur gröftur) úr typpi eða píku, og blæðing úr píku. Margir sýna þó engin einkenni. Sýkingin getur valdið bólgu í grindarholi og þess vegna valdið ófrjósemi hjá konum.

Flestar sýkingar má læknar með sýklalyfjum, en komnir eru á kreik ónæmir stofnar lekanda. Með smokkanotkun má koma í veg fyrir smit.

Hvert ár greinast um 100 með lekanda á Íslandi og hefur tíðni aukist síðustu ár.