Laxasetur Íslands

Atlantshafs lax

Laxasetur Íslands var opnað í júní árið 2012 en sýningunni þar er skipt í þrjú meginþemu: líffræði, þjóðfræði og veiðar.

Hugmynd að stofnun setursins kom fyrst upp árið 2008 þegar Alva Kristín Kristínardóttir vann að viðskiptaáætlun og fékk til þess styrk frá Atvinnumálum kvenna og Vaxtasamningi Norðurlands Vestra. Verkefnið fór þó ekki í vinnslu fyrr en árið 2011 þegar hvatamennirnir Valgarður Hilmarsson og Jón Aðalsteinn Snæbjörnsson tóku upp þráðinn. Þeir fóru og fengu til liðs við sig menningarmiðlarana Kristínu Arnþórsdóttur og Þuríði Helgu Jónsdóttur sem unnu tillögur að sýningum fyrir setrið. Einnig leituðu þeir eftir stuðningi frá veiðifélögum, laxveiðiáa og stofnunum tengdum starfseminni og í framhaldi af því sóttu þeir um styrki.

Þann 23. júní 2011 var stofnfundur Laxasetursins haldin þar sem 21 aðili, einstaklingar og fyrirtæki, skráðu sig fyrir hlutum í félaginu. Einnig var kosin stjórn fyrir félagið. Árið 2015 tilkynnti félagið að hætt yrði rekstri sýningar á Blönduósi þar sem fjármögnun hefði ekki gengið sem skyldi.

Stjórn

• Þorsteinn Helgason, formaður Veiðifélags Miðfjarðarár.
• Pétur Pétursson framkvæmdastjóri veiðitaki Vatnsdalsár.
• Jón Aðalsteinn Sæbjörnsson, framkv.st. Blönduósi.
• Stefán Óli Steingrímsson, Háskólanum á Hólum.
• Ágúst Sigurðsson, formaður Veiðifélags Blöndu og Svartár.

Styrktaraðilar

• Menningarráð Norðurlands vestra
• Landssamband veiðifélaga.
• Samfélagssjóður Landsvirkjunar
• Vaxtarsamningur Norðurlands vestra.
• Átak til atvinnusköpunar
• Menningarsjóður KS
• Blönduósbær
• Veiðihornið
• Vilkó ehf

Almennar upplýsingar

Laxasetrið er á Efsturbraut 1 á Blönduósi og er opið frá 10 - 17 á virkum dögum en 11 - 17 um helgar. Það kostar 900 kr fyrir fullorðna, 300 kr fyrir börn á aldrinum 6 - 12 ára og frítt fyrir börn yngri en 6 ára.

Heimildir

Heimasíða Laxaseturs Íslands^{[óvirkur tengill]}

  Þessi grein er stubbur. Þú getur hjálpað til með því að bæta við greinina.