Lagarfljótsormurinn

Skipið sem ber nafn ormsins

Lagarfljótsormurinn er vatnaskrímsli sem talið er, samkvæmt þjóðsögum, að lifi í Lagarfljóti. Ormsins er fyrst getið í annálum árið 1345 og má lesa um hann í þjóðsagnasafni Jóns Árnasonar. Segir sagan að ormurinn hafi í fyrstu verið lítill lyngormur, sem settur var á gullhring. Þannig átti gullið að vaxa. Þegar eigandi hringsins kom að nokkru síðar sá hún sér til mikillar skelfingar að ormurinn hafði stækkað gríðarlega en hringurinn ekki. Kastaði hún þá hringnum og orminum í Lagarfljót þar sem ormurinn hélt áfram að vaxa.

Í vatni eins og Lagarfljóti geta plöntuleifar sem hafa safnast saman og rotnað á vatnsbotninum myndað mýrargas og gosið upp í dökkum, bogamynduðum strók. Það er svipað fyrirbrigði og hrævareldar yfir mýrum. Það, ásamt því að í vatninu eru klapparhryggir sem vatn brýtur á kann að útskýra sögur um Lagarfljótsorminn.

Kenningar og atvik

Sumir sagnfræðingar hafa haldið því fram að möguleiki sé á því að tegund ormsins hafi einhverntímann verið til, en að í dag sé hún þá líklegast útdauð.

Huginn Þór Grétarsson gaf út bók árið 2010 sem að innihélt mynd af fyrirbæri sem að hans sögn gæti hafa verið lagarfljótsormurinn.

Í myndbandi sem að RÚV.is birti árið 2012 sýnir langt sérkennilegt fyrirbæri hlykkjast undir ísilögðu ánni að Lagarfljóti. Hisvegar þá kom fram í fréttinni að möguleiki væri á að fyrirbærið hafi verið plastnetaflækja. Í kjölfarið skipaði Fljótsdalshérað nefnd til þess að komast að niðurstöðu um myndbandið.