Kristínartindar

Kristínartindar í júní.

Kristínartindar í nóvember.

Útsýni frá Kristínartindum niður að Morsárjökli.

Kristínartindar eru fjöll norður af Skaftafellsheiði í svæði Skaftafells í suðurhluta Vatnajökulsþjóðgarðs. Þeir mynda hálfhring um fornan gíg, sem opnast til vesturs. Hæsti tindur þeirra rís 1126 metra yfir sjó. Norðan tindanna er þverhnípi, þannig að gæta verður fyllstu varúðar í göngu á tindinn. Til norðausturs frá Kristínartindum liggur örmjór kambur, Skörðin, til Skarðatinds (1385 m) sem er í jaðri Vatnajökuls. Gönguleiðir á Kristínartinda eru frá tjaldstæðinu í Skaftafelli.