Alþýðusamband Íslands

Alþýðusamband Íslands er íslenskt verkalýðsfélag stofnað 12. mars 1916.

Saga

Upp úr aldamótunum 1900, eftir því sem fleira fólk flutti á mölina og Reykjavík þandist út og stækkaði tóku menn eftir því að hyggilegt væri að stofna félög til þess að gæta hagsmuna vinnandi fólks. Með tilkomu fyrri heimsstyrjaldarinnar kom lægð í íslenskt efnahagslíf og þótti þá viturlegt að sameina nokkur verkalýðsfélög í eitt. Þann 12. mars 1916 var Alþýðusamband Íslands stofnað af sjö félögum á fundi í Báruhúsinu; Dagsbrúnarfélagsins, Hásetafélagsins, Verkakvennafélagsins, Prentarafélagsins, Bókbindarafélagsins, Verkamannafélagsins Hlíf í Hafnarfirði og Hásetafélag Hafnarfjarðar. Á stofnþinginu var Ottó N. Þorláksson kosinn forseti sambandsins, varaforseti varð Ólafur Friðriksson og Jón Baldvinsson ritari. Gegndu þeir þessum embættum þar til haldið var fyrsta reglulega þing ASÍ síðar sama ár. Þá tók Jón Baldvinsson við sem forseti og Jónas Jónsson frá Hriflu tók við embætti ritara.

ASÍ átti í mjög nánu samstarfi við Alþýðuflokkinn sem á þeim tíma var jafnaðarflokkur verkamanna.

Heimild

• „Saga verkalýðshreyfingarinnar“.

Tengill

• Heimasíða Alþýðusambands Íslands