Miðbæjarskólinn

Miðbæjarskólinn er bygging í miðbæ Reykjavíkur sem var upphaflega barnaskóli, þar hafa Fræðslumiðstöð Reykjavíkur og Námsflokkar Reykjavíkur verið með skrifstofuaðstöðu en nú stendur til að leggja húsnæðið undir Kvennaskólann. Barnaskóli Reykjavíkur var rekinn þar á árunum 1898 til 1930 þegar nafninu var breytt í Miðbæjarskólann. Á hundrað ára afmæli þess árið 1998 var það sagt „eitt merkasta hús borgarinnar.“ Miðbæjarskólinn var fullbyggður 1898 en formlega vígður þann 10. október 1908. Á fyrsta starfsári Miðbæjarskólans voru þar 285 börn, 304 árið eftir en eftir að lög um fræðsluskyldu barna tóku gildi 1907 jukust fjöldi nemenda úr 472 og í 772.

Upprunalega var byggingin L-laga en seinna var byggð suður-álma og síðan þá hefur húsið verið U-laga. Í portinu þar voru margar samkomur haldnar. Frá og með bæjarstjórnarkosningunum í Reykjavík 1908 var Miðbæjarskólinn aðalkjörstaðurinn til þing- og bæjarstjórnarkosninga og raunar eini kjörstaðurinn um árabil.

Tenglar

• Framkvæmdasýsla ríkisins - Kvennaskólinn í Reykjavík, endurbætur Miðbæjarskólans
• Ekki bara skóli..., Morgunblaðið 10. október 1998
• Miðbæjarskólinn 100 ára, grein úr Morgunblaðinu 1998
• Miðbæjarskólinn fær 120 milljónir til aðlögunar, vísir.is 20. júlí 2010