Kóralrif

Úr Wikipediu, frjálsa alfræðiritinu
Stökkva á: flakk, leita
Fjölbreyttar dýrategundir við kóralrrif

Kóralrif[1] (eða kórallarif[2]) er fjölbreytt sjávarvistkerfi bundið saman af kalsíumkarbónati sem kórallar gefa frá sér. Flest kóralrif eru byggð úr steinkóröllum sem samanstanda af mörgum sepum (e. polyps). Frumur í húðþekju steinkóralla seyta kalsíumkarbónati sem myndar undirlag sem separnir standa á auk þess að vera stoðgrind dýranna og vörn þeirra. Flestar kóraltegundir lifa í sambýli sem gerir það að verkum að kóralrif byggist smám saman upp en það getur tekið nokkur þúsund ár fyrir eitt kóralrif að myndast.[3]

Margar mismunandi tegundir kóralla má finna í einu kóralrifi en hver tegund gegnir sérhæfðu hlutverki í byggingu rifsins.[3] Kóralrif geta myndast á mismunandi sjávardýpi en ná sjaldan upp úr vatninu. Kóralrif hýsa mjög fjölbreytilegan hóp sjávardýra. Kóralrif þekja minna en 0,1% af yfirborði heimsins en 25% allra sjávardýrategunda lifa í eða við þau, þar á meðal fiskar, lindýr, ormar, krabbadýr, skrápdýr, svampdýr, möttuldýr og holdýr. Kóralrif geta blómstrað þótt lítið sé um næringarefni í vatninu í kringum þau.

Kóralrif eru mikilvæg fiskveiðum og verja strendur. Kóralvif eru mjög viðkvæm fyrir breytingum á umhverfinu svo sem breytingu á hitastigi vatnsins í kringum þau. Margt stofnar kóralrifum í hættu, m.a. loftlagsbreytingar, súrnun sjávar og vatnsmengun.

Heimildir[breyta | breyta frumkóða]

  Þessi líffræðigrein er stubbur. Þú getur hjálpað til með því að bæta við greinina.