John Fowles
John Robert Fowles (31. mars 1927 – 5. nóvember 2005) var breskur rithöfundur sem er kenndur við breytinguna frá módernisma til póstmódernisma. Hann var undir áhrifum frá frönsku rithöfundunum Jean-Paul Sartre og Albert Camus.[1]
Fyrsta skáldsaga hans er Safnarinn frá 1963. Leikin kvikmynd var gerð eftir henni árið 1965. Þekktustu verk Fowles eru The Magus (1965) sem varð metsölubók á 7. áratugnum, og Ástkona franska lautinantsins (1969), ástarsaga sem gerist á Viktoríutímabilinu. Samnefnd kvikmynd var gerð eftir síðarnefndu bókinni árið 1981 með handrit eftir Harold Pinter, og Meryl Streep og Jeremy Irons í aðalhlutverkum.
Árið 2008 útnefndi breska dagblaðið The Times Fowles sem einn af 50 mestu rithöfundum Breta eftir 1945.[2]
Tvær bækur eftir John Fowles hafa verið þýddar á íslensku: Ástkona franska lautinantsins (The French Lieutenant's Woman) 1985 og Safnarinn (The Collector) 1991.
Tilvísanir
[breyta | breyta frumkóða]- ↑ Aubrey, James R. (1991). John Fowles: A Reference Companion. Greenwood Press. ISBN 0-313-26399-X.
- ↑ „The 50 greatest British writers since 1945“. The Times. 5. janúar 2008. Afrit af upprunalegu geymt þann 11.5.2008. Sótt 19. febrúar 2010.
