Ragnar Bjarnason og Elly Vilhjálms - Járnhausinn

Járnhausinn er 45 snúninga hljómplata gefin út af SG - hljómplötum árið 1965. Á henni flytja Ellý Vilhjálms, Ragnar Bjarnason og Ómar Ragnarsson ásamt hljómsveit Svavars Gests sex lög úr samnefndum söngleik eftir bræðurna Jónas og Jón Múla Árnasyni. Um útsetningu laga sá Magnús Ingimarsson.

Lagalisti

Það var eitt sinn ógnar lítið stelpuhró

sem fór oft með mér fram að sjó.

Hún var klædd í ullarpeysu oná tær,

með freknótt nef og fléttur tvær.

Saman tvö í fjörunni við undum okkur vel

meðan kollan var að kafa eftir kuðungi og skel.

Og á kvöldin þegar sólin sigin var

sátum við í næði, bæði, undir Stórasteini,

þar sem hún, í leyni, lagði vanga sinn

ósköp feimin upp við vanga minn.

Síðan hef ég konur séð í Cairó,

í Mandalay, í Mexíkó.

Líka þær sem kyrrahafið kafa í

og eiga heima á Hawaii.

Sumar klæddust hálmi þegar þeim var heitt

en aðrar bara klæddust ekki yfirleitt í neitt.

Alltaf samt í huga mér og hjarta bjó

hún sem klæddist ullarpeysu undir Stórasteini.

Forðum tíð, í leyni, lagði vanga sinn

ósköp feimin upp við vanga minn.