Ingibjörg Hjartardóttir

Hljómdiskurinn *Velkomin í Villta Vestrið* með söngvum úr samnefndu leikriti sem Freyvangsleikhúsið setti upp 1998

Ingibjörg Hjartardóttir (f. 18. maí 1952) er íslenskur rithöfundur og leikritaskáld. Hún hefur einnig þýtt skáldsögur og fengist við ljóðagerð. Ingibjörg er einn af stofnendum Leikfélagsins Hugleiks í Reykjavík og var formaður þessum skeið. Hún hefur einnig leikið og leikstýrt. Leikrit hennar hafa verið sýnd af af atvinnuleikhúsum, leikhópum og áhugafélögum víða um land og flutt í Ríkisútvarpinu. Skáldsögur Ingibjargar hafa verið þýddar og hafa m.a. allar komið út á þýsku.

Ingibjörg fæddist að Tjörn í Svarfaðardal. Foreldrar hennar eru Hjörtur E. Þórarinsson og Sigríður Hafstað á Tjörn. Ingibjörg var gift Degi Þorleifssyni (1933-2022) blaðamanni og rithöfundi. Synir þeirra eru Hugleikur Dagsson og Þormóður Dagsson. Seinni eiginmaður hennar var Ragnar Stefánsson jarðskjálftafræðingur (1938 - 2024).

Ritverk

Skáldsögur

Upp til Sigurhæða. Mál og menning 2001
Þriðja bónin. Bókaútgáfan Salka 2005
Hlustarinn. Bókaútgáfan Salka 2010
Fjallkonan. Bókaútgáfan Salka 2015
Jarðvísindakona deyr. Bókaútgáfan Salka 2021

Ævisögur

Spor eftir göngumann. Í slóð Hjartar á Tjörn. Ævisaga. Meðhöfundur, Þórarinn Hjartarson, 1997
Var, er og verður Birna. Forlagið 2022

Leikrit

Skugga-Björg. Ný leikgerð að Skugga-Sveini. Meðhöf. nokkrir félagar í Hugleik, 1985
Sálir Jónanna. Meðhöf., Sigrún Óskarsdóttir og Unnur Guttormsdóttir. Hugleikur 1986
Ó, þú! Meðhöfundar, Sigrún Óskarsdóttir og Unnur Guttormsdóttir. Hugleikur 1987
Um hið átakanlega, sorglega og dularfulla hvarf ungu brúðhjónanna, Indriða og Sigríðar, daginn eftir brúðkaupið og leitina að þeim. Meðhöf., Hjördís Hjartardóttir, Unnur Guttormsdóttir og Sigrún Óskarsdóttir. Hugleikur 1988
Ingveldur á Iðavöllum. Meðhöfundur, Sigrún Óskarsdóttir. Hugleikur 1986
Aldrei fer ég suður. Meðhöfundur, Sigrún Óskarsdóttir. Hugleikur 1990
Fermingarbarnamótið. Meðhöfundar, nokkrir félagar í Hugleik. Hugleikur 1992
Fólkið í Þingholtunum. Útvarpsleikrit í 24 sjálfstæðum þáttum. Meðhöfundur, Sigrún Óskarsdóttir. RÚV 1989 – 1991.
Stóra kókaínmálið. Útvarpsleikrit í 10 þáttum. RÚV 1993, leikstjóri, Þórhallur Sigruðsson.
Sonur og elskhugi. Einþáttungur. Meðhöfundur, Sigrún Óskarsdóttir. Hugleikur 1994
Hafnardagarevían (Með fleirum). Hugleikur 1994
Út yfir gröf og dauða. Útvarpsleikrit. RÚV 1995, leikstjóri, Ásdís Thoroddsen.
Bóndinn. Slaghörpuleikarinn. Saga dóttur minnar. Þrír einleikir. Listaklúbbur Leikhúskjallarans 1995, leikstjóri, Sigríður Margrét Guðmundsdóttir.
Hvernig dó mamma þín? Einþáttungur. Höfundasmiðja Leikfélags Reykjavíkur 1996, leikstjóri, Hlín Agnarsdóttir.
Hinar kýrnar. Einþáttungur. Kaffileikhúsið 1996, leikstjóri, Þórhallur Sigurðsson.
Vísindakona deyr. Útvarpsleikrit í 10 þáttum. RÚV 1998, leikstjóri, Hjálmar Hjálmarsson.
Velkomin í Villta Vestrið. Freyvangsleikhúsið 1998, leikstjóri, Helga Jónsdóttir.
Séð og heyrt. Einþáttungur. Listaklúbbur Leikhúskjallarans 1998, leikstjóri, Ásdís Skúladóttir.
Sálir Jónanna ganga aftur. Endurgerð af leikritinu Sálir Jónanna. Meðhöfundar, Sigrún Óskarsdóttir og Unnur Guttormsdóttir. Hugleikur , leikstjóri, Viðar Eggertsson.
Ellismellur. Revía. Meðhöf., Anna Kr. Kristjánsdóttir, Fríða B. Andersen, Sigrún Óskarsdóttir og Unnur Guttormsdóttir. Hananú-hópurinn Kópavogi 1999. Leikstjóri Ásdís Skúladóttir.
Gáttir allar. (Einþáttungur í syrpunni Ég sé ekki Munin. Meðhöf. Sigrún Óskarsdóttir og Unnur Guttormsdóttir). Hugleikur 2000
Meyjarorðum skyldi manngi trúa (Einþáttungur í syrpunni Ég sé ekki Munin). Meðhöf. Sigrún Óskarsdóttir og Hjördís Hjartardóttir. Hugleikur 2000
Víst var Ingjaldur á rauðum skóm. Meðhöf. Hjördís Hjartardóttir og Sigrún Óskarsdóttir. Hugleikur 2001
Draumalandið. Leikfélag Akureyrar 2004. Leikstjórn: Þorsteinn Backmann
Svarfdæla saga. Meðhöf. Hjörleifur Hjartarson. Leikfélag Dalvíkur 2004. Leikstjórn: Ágústa Skúladóttir
Ó, þú aftur! Hugleikur 2009. Leikstjórn: Jón Stefán Kristjánsson

Leikritið Velkomin í Villta vestrið sem var sérstaklega skrifað fyrir Freyvangsleikhúsið vegna landsmóts hestamanna sem haldið var á Melgerðismelum sumarið 1998, var valið sem áhugaverðasta áhugaleiksýningin á leikárinu.

Leikritið Sálir Jónanna ganga aftur í uppsetningu Hugleiks var valið sem fulltrúi Íslands á norður-evrópska leiklistarhátíð sem haldin var í Harstad í Noregi í ágúst 1998. Síðan var leikhópnum boðið með leikritið á leiklistarhátíð í Litháen sumarið 1999 og til Færeyja þá um haustið.

Skáldsagan Hlustarinn var útvarpssaga RÚV í apríl og maí 2013.

Ítarefni

Jón Daníelsson 1995. Ingibjörg Hjartardóttir: Kom ekki til greina að við yrtum hvort á annað. Betri Helmingurinn. Bókaútgáfan Skjaldborg. Bls. 177-226.