Hringadróttinssaga: Hilmir snýr heim
Hringadróttinssaga: Hilmir snýr heim (á ensku: Lord of the Rings: The Return of the King) er ævintýramynd frá árinu 2003. Peter Jackson leikstýrði henni en myndin er sú síðasta af þremur sem byggjast á bók eftir J.R.R. Tolkien. Myndin er áframhald af Hringadróttinssaga: Tveggja turna tal. Orðið Hilmir merkir konungur og nafn myndarinnar er orðað á þennan hátt til að gefa henni meiri reisn[1] Bíómyndin fékk 11 Óskara á 76. óskarsverðlaununum, meðal annars fyrir bestu leikstjórn, handrit, klippingu, búningahönnun, tónlist og tæknibrellur. [2] Kvikmyndin seldist í yfir 38.000 eintökum hérlendis.[3]
