Helga Þórisdóttir
Helga Þórisdóttir | |
|---|---|
| Fædd | 15. júlí 1968 |
| Menntun | Lögfræðingur |
| Störf | Forstjóri |
| Stofnun | Persónuvernd |
Helga Þórisdóttir (fædd 15. júlí 1968) er íslenskur lögfræðingur.
Helga er gift Theodóri Jóhannssyni og eiga þau þrjú börn. Hún er lögfræðingur að mennt og hefur starfað við fagið í rúm 30 ár.
Menntun
[breyta | breyta frumkóða]Helga gekk í Langholtsskóla og var ung send í sveit, í Hörgárdal í Eyjafjarðarsýslu auk þess sem hún var send til Skotlands og Danmerkur til að læra tungumál. [1]
Helga útskrifaðist með stúdentspróf frá Menntaskólanum við Sund árið 1988 og lagði stund á frönsku og franskar bókmenntir í Paul Valery háskólanum í Montpellier frá 1988 - 1989.
Hún útskrifaðist með cand.jur gráðu í lögfræði frá Háskóla Íslands árið 1995. Árið 1998 fékk Helga héraðsdómslögmannsréttindi.
Helga lauk Advanced Management Program frá IESE viðskiptaháskólanum í Barcelóna árið 2015.
Starfsferill.
[breyta | breyta frumkóða]Helga hefur frá árinu 2015 gegnt stöðu forstjóra Persónuverndar. [2] Hún situr í Evrópska persónuverndarráðinu fyrir hönd Íslands (European Data Protection Board).
Á árunum 2008 - 2015 starfaði Helga hjá Lyfjastofnun sem sviðsstjóri lögfræðisviðs og sem staðgengill forstjóra. Hún var jafnframt sett tímabundið sem forstjóri Lyfjastofnunar í tíu mánuði 2012-2013.
Helga starfaði sem lögfræðingur í menntamálaráðuneytinu árin 2005 - 2008. Helga var ráðin sem sérfræðingur hjá EFTA árin 2003 - 2005 en fyrir það hafði hún starfað á nefndarsviði Alþingis sem lögfræðingur og sem aðstoðarforstöðumaður árin 1997 til 2003.
Helga hóf sinn starfsferil sem lögfræðingur hjá Embætti ríkissaksóknara árið 1995 og starfaði þar til ársins 1997.
Forsetaframboð
[breyta | breyta frumkóða]Þann 27. mars 2024 gaf Helga kost á sér til embættis forseta Íslands.[3] Helga sagði áhersluatriði sín fyrst og fremst að vera þjónn fólksins í landinu og benti á mikilvægi þess að stutt yrði við alla landsmenn. Auk þess sem hún sagðist vilja vera málsvari þess íslenska drifkrafts sem gerir Ísland að þeirri sterku þjóð sem við erum á eldfjallaeyju nyrst í Atlantshafi. Hún sagðist vilja sem forseti landsins styðja við fræðasamfélag, menningu og atvinnulíf sem og gróskumikla nýsköpun og sköpunarkraft íslensku þjóðarinnar. Hún sagðist jafnframt vilja vera rödd þjóðarinnar á heimsvísu á tímum breyttrar heimsmyndar. [4]
Hún hlaut 275 atkvæði í kosningunum og varð í næstsíðasta sæti af 12 frambjóðendum [5]
Heimildir
[breyta | breyta frumkóða]- ↑ „https://tigull.is/helga-thorisdottir-forsetaframbjodandi/“.
- ↑ „https://island.is/s/personuvernd/starfsfolk-stjorn-og-skipurit#forstjori“.
- ↑ Andri Yrkill Valsson (27. mars 2024). „Helga Þórisdóttir býður sig fram til forseta“. RÚV. Sótt 8. apríl 2024.
- ↑ „https://www.ruv.is/frettir/innlent/2024-03-27-helga-thorisdottir-bydur-sig-fram-til-forseta-408731“.
- ↑ Tæplega átján milljónir fyrir 275 atkvæði Vísir