Harry Potter og Fönixreglan
| Höfundur | J. K. Rowling |
|---|---|
| Upprunalegur titill | Harry Potter and the Order of the Phoenix |
| Þýðandi | Helga Haraldsdóttir |
| Land |  Bretland |
| Tungumál | Enska |
| Útgefandi | Bloomsbury Bjartur (á Íslandi) |
Útgáfudagur | 21. júní 2003 |
| Síður | 766 (fyrsta útgáfa) |
| ISBN | ISBN 9789935301253 |
| Forveri | Harry Potter og eldbikarinn |
| Framhald | Harry Potter og blendingsprinsinn |
Harry Potter og Fönixreglan (enska: Harry Potter and the Order of the Phoenix) er fimmta bókin í bókaröðinni um Harry Potter eftir J. K. Rowling. Sagan fjallar um erfiðleika Harry Potter á fimmta ári sínu í Hogwartsskóla galdra og seiða, meðal annars ógnvænlega endurkomu hins ógurlega Voldemorts, U.G.L.U.-prófin og afskiptasemi galdramálaráðuneytisins.
Bókin kom út 21. júní 2003, og var gefin út af Bloomsbury Publishing í Bretlandi. Bókaforlagið Bjartur gefur bækurnar út á Íslandi. Samnefnd kvikmynd var gerð eftir bókinni og frumsýnd árið 2007. Electronic Arts gerðu tölvuleik eftir bókinni. Harry Potter og Fönixreglan vann nokkur bókmenntaverðlaun, þar á meðal verðlaun American Library Association sem besta ungmennabókin.[1]
Ágrip
[breyta | breyta frumkóða]Sagan hefst á því að Harry og frændi hans, Dudley, verða fyrir árás vitsuga. Harry notar galdra til að losna við þær og er því sendur í viðtal í galdramálaráðuneytinu. Brátt kemur í ljós að viðtalið er réttarhöld þar sem hann er sýknaður, þrátt fyrir andstöðu galdramálaráðherrans. Þar sem Voldemort er snúinn aftur endurvekur Albus Dumbledore Fönixregluna, leynifélag sem vinnur að því að sigra Voldemort og dráparana (fylgismenn Voldemorts), og vernda fórnarlömb þeirra, þar á meðal Harry. Þrátt fyrir að Harry hafi lýst endurkomu Voldemorts tekur galdramálaráðuneytið hann ekki trúanlegan og hafnar því að Voldemort hafi snúið aftur.
Fönixreglan er hópur eða lið í Harry Potter-bókunum. Í þessari bók kemur fyrst fram hvað Fönixreglan var, en hún var hópur af fólki sem barðist gegn Lord Voldemort. Meðlimir í upprunalegu Fönixreglunni eru: Albus Dumbledore, Alastor Moody/ Skröggur Illauga, Arabella Figg, Aberforth Dumbledore, Benjy Fenwick, Caradoc Dearborn, Dedalus Diggle, Dorcas Meadowes, Edgar Bones, Elphias Doge, Emmeline Vance, Fabian Prewett, Frank & Alice Longbottom, Gideon Prewett, James & Lilly Potter, Marlene McKinnon, Mundungus Fletcher, Remus Lupin, Rubeus Hagrid, Severus Snape, Sirius Black, Sturgis Padmore, og Peter Pettigrew,
Meðlimir Fönixreglunnar í síðara stríðinu við Voldemort eru: Albus Dumbledore, Kingsley Shacklebolt, Aberforth Dumbledore, Arabella Figg, Dedalus Diggle, Elphias Doge, Emmeline Vance, Minerva McGonagall, Mundungus Fletcher, Remus Lupin, Rubeus Hagrid, Severus Snape, Sirius Black, Sturgis Podmore, Arthur, Bill, Charlie & Molly Weasley, Hestia Jones, og Nymphadora Tonks. Auk þeirra telur reglan íklega Fleur Delacourt, Fred Weasley, George Weasley, Harry Potter, Hermione Granger, og Ron Weasley.
Tilvísanir
[breyta | breyta frumkóða]- ↑ „Best Books for Young Adults Annotated List 2004“. American Library Association. 2004. Afrit af upprunalegu geymt þann 14 apríl 2009. Sótt 30 maí 2009.
