Halldór Halldórsson (málfræðingur)
Halldór (Torfi Guðmundur) Halldórsson (13. júlí 1911 – 5. apríl 2000) var íslenskur málfræðingur og prófessor við Háskóla Íslands.
Ævi og störf
[breyta | breyta frumkóða]Halldór Halldórsson fæddist á Ísafirði árið 1911. Hann var sonur hjónanna Halldórs Bjarnasonar og Elísabetar Bjarnadóttur. Halldór lauk stúdentsprófi frá Menntaskólanum á Akureyri 1932. Hann lauk magistersprófi í íslenskum fræðum frá Háskóla Íslands 1938 og doktorsprófi frá sama skóla 1954. Halldór var íslenskukennari við Menntaskólann á Akureyri 1934–36 og 1938–51. Hann varð dósent við heimspekideild Háskóla Íslands 1951–57 og prófessor í íslensku nútíðarmáli frá 1957 til 1979 við sama skóla.
| Fyrirrennari: Einar Ól. Sveinsson |
|
Eftirmaður: Ólafur Jónsson | |||
Ritaskrá
[breyta | breyta frumkóða]- Um hluthvörf (1939)
- Stafsetningarorðabók með skýringum (1947) (fyrsta útg.)
- Íslenzk málfræði handa æðri skólum (1950)
- Íslenzk orðtök (1954) (doktorsritgerð)
- Örlög orðanna (1958)
- Viðbætir við Íslensk-danska orðabók Sigfúsar Blöndals (ritstj. ásamt Jakobi Benediktssyni) (1963)
- Íslenzkt orðtakasafn (1968–69)
- Þættir úr sögulegri merkingarfræði (1971)
- Íslenzk málrækt (1971)
- Old Icelandic heiti in Modern Icelandic (1975)
- Ævisögur orða (1986)